“Венийн вальс” цэнгүүн энэ сарын 15-нд болно
2017 оны 12 сарын 6
Австри Улсын Өргөмжит Консулын газар, Монгол-Австрийн Найрамдлын Нийгэмлэг хамтран 1999 оноос хойш амжилттай зохион байгуулж ирсэн “Венийн вальс” цэнгүүн 2017.12.15-нд Шангрила зочид буудлын их танхимд зохиогдох болжээ.

Энэ удаагийн цэнгүүнд урлаг соёлын алдартнууд болон Австри улсын элчин сайдын яам, Австри улсын Аж Үйлдвэрийн Танхим, Вена болон Улаанбаатар хотын захиргаанд, Бизнесийн дэмжигчид оролцох бөгөөд энэхүү цэнгүүн нь хоёр улсын соёлын харилцааг өргөжүүлэхэд томоохон нөлөө бүхий арга хэмжээ юм.

Уран бүтээлчдийн хувьд “Венийн вальс” цэнгүүнд оролцох нь нэр хүндийн илэрхийлэл болдог бөгөөд энэ удаагийн цэнгүүнд Сонгодог урлагаар дэлхийд нэрээ цуурайтуулж яваа МУГЖ Дуучин Г.Ариунбаатар, ДБЭТ-н симфони оркестр, балетийн урлагийн гайхамшиг зэрэг сонгодог бүтээлүүдээр зочиддоо бэлэг барин цэнгүүний хоёрдугаар хэсэгт Поп дива С.Наран, СТА Т.Дэлгэрмөрөн нар оролцох болжээ.

Мэдээж хэрэг “Венийн вальс” цэнгүүний хамгийн сэтгэл догдлуулсан мөч болох 32 бүжигчин ёслолын вальсаар арга хэмжээг хүндэтгэлтэйгээр нээж хүрэлцэн ирсэн зочид ч мөн тэдэнтэй хамтдаа бүжиглэн цэнгэж өвөрмөц шагналын эзэн болох гээд гэнэтийн бэлгээр дүүрэн “Венийн вальс-2017” таныг хүлээж байна.

Цэнгүүний талаарх дэлгэрэнгүй мэдээлэл авах утас: 8606-5526,9910-3108, 99 018918.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.