Трамп Иерусалимыг Израилийн нийслэл хотоор зарлав
2017 оны 12 сарын 7
Хүлээж байсанчлан АНУ-ын Ерөнхийлөгч Дональд Трамп Иерусалимыг Израилийн нийслэл хотоор албан ёсоор тодруулж байгаа өөрийн шийдвэрийг зарлан тунхаглаж, тус хотод Тель-Авиваас Америкийн Элчин сайдын яамыг шилжүүлэн нүүлгэх болжээ. Энэ алхам Палестин-Израилийн сөргөлдөөнийг шийдвэрлэхэд чухал хэмээн тэрбээр онцлов. 

Энэхүү шийдвэр тус бүс нутагт энх тайвныг тогтоохын төлөө ажиллах үүрэг, хариуцлагаасаа Вашингтон татгалзаж байгаа гэсэн үг биш юм. Түүний бодлоор Иерусалим христ, лал, иудийн шашинтай хүмүүсийн хувьд ариун дагшин газар хэвээр үлдэх ёстой гэнэ. Ингэхдээ Трамп Иерусалимыг Израилийн нийслэл хотоор тодруулж байгаа нь Палестин-Израилийн асуудлыг шийдвэрлэхэд Вашингтоны зүгээс гаргаж буй сүүлчийн шийдвэр биш гэдгийг онцлов. 

Израиль Зүүн Иерусалимыг 1967 онд зургаа хоног үргэлжилсэн дайны үеэр булаан эзлэсэн билээ. Палестинчууд харин хотын энэ хэсгийг өөрийг улсын нийслэл гэж үздэг юм. Тус хотод АНУ-ын Элчин сайдын яамыг шилжүүлэн байрлуулах тухай хууль аль 1995 онд батлагдсан ч тэр цагаас хойш Билл Клинтон, хүү Жорж Буш, Барак Обама зэрэг Ерөнхийлөгч нар нөхцөл байдлыг хурцатгахгүйн тулд үүнд хориг тавьж байсан билээ. Европын уирдагч нар Трампыг ийм алхам битгий хийгээч хэмээн гуйсан ч Трамп өөрийнхөөрөө зүтгэжээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.