Виктор Ан олимпод оролцоно
2017 оны 12 сарын 7
Шорт-трэкийн дэлхийн шилдэг тамирчдын нэг Виктор Ан хоёр сарын дараа Өмнөд Солонгос улсад зохиогдох өвлийн олимпод хэрэв ОХУ-ын шигшээ баг оролцохоос татгалзахгүй бол олимпийн тугийн дор хүчээ үзэхэд бэлэн гэдгээ мэдэгджээ. Олимпийн зургаан алтан медальтай Ан Сочигийн олимпоос хойш бүхэл бүтэн дөрвөн жил шаргуу бэлтгэл хийсэн учраас Пёнчан хотод олимпийн тугийн дор оролцоно гэдгээ илэрхийлэв. 

Гэхдээ Оросын баг ямар шийдвэр гаргахыг тэрбээр мэдэхгүй гэдгээ онцолжээ. Зургаан жилийн өмнө Ан Оросын иргэн болсон бөгөөд гурван жилийн дараа Сочигийн олимпод Оросын нэрийн өмнөөс оролцсон билээ. Тэнд мань хүн шууд гурван алтан медаль хүртсэн. 

Хоёр хоногийн өмнө Олон улсын олимпийн хороо ОХУ-ын шигшээ багийг олимпод хэсэг хугацаанд оролцохгүй байх шийдвэрийг гаргасан юм. Сэргээш хэрэглэсэн асуудалд орж байгаагүй тамирчид л Өмнөд Солонгост олимпийн тугийн дор хүч сорих эрхтэй болсон билээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.