Калифорнид 200 мянган хүнийг нүүлгэн шилжүүлнэ
2017 оны 12 сарын 7
Америкийн Калифорни мужид Лос-Анжелес хотоос умард зүгт орших Вентура тойрогт дэгдсэн ойн түймэр маш эрчтэй тархаад Номхон далайн эрэгт хүрсэн байна. Гал түймэр 12 мянган байшинг шатах аюулд оруулсан бөгөөд орон гэрээ 200 мянган хүн орхих хэрэгтэй болжээ. 

Албадан нүүлгэх хуудсыг олон сая долларын үнэтэй харш эзэмшдэг хүмүүс ч авсан байна. Цагт 40 километрийн хурдтай байгаа хүчтэй салхины улмаас байгалийн гамшгийг хяналтад оруулж чадахгүй байгаа гэдгээ гал сөнөөгчид өгүүлэв. Зарим газар салхины хурд цагт 110 километрт хүрч байгаа аж. 

Галыг унтраахад онцгой байдлын 1000 гаруй ажилтан оролцож байгаа гэнэ. Тэд Вентура, Санта-Паула хотуудыг галд өртөхөөс сэргийлэн ажиллаж байгаа аж. Одоогоор 200 орчим байшин шатаад байгаа бөгөөд хохирлын хэмжээ улам нэмэгдэх төлөвтэй байна. Вентура болон Санта-Барбара тойргуудад 260 мянга гаруй байшин эрчим хүчгүй болоод байгаа аж. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.