Салах “Ливерпүүл”-ийн шинэ од (видео)
2017 оны 12 сарын 7
Энэ улиралд “Ливерпүүл”-ийн шилдэг тоглогчоор Мохамед Салах тодроод буй. Тэрбээр өнгөрсөн зун Италийн “Рома” багаас 42 сая еврогоор ирсэн билээ. Египтын тамирчин 25 тоглолтод оролцохдоо 19 гоол оруулжээ. Найм, ес, аравдугаар сард багийнхаа шилдэг тоглогчоор тодорсон. 

Өмнө нь “Ливерпүүл”-д хэн ч ийм мундаг амжилтыг үзүүлж байсангүй. Домогт Луис Суарес хүртэл шүү. Суарес тус багийг орхисноос хойш нэг ч хөлбөмбөгч улиралд 14-өөс дээш бөмбөг оруулж байсангүй. Тэгвэл Салах 19-ийг оруулаад байна. Багийнх нь дасгалжуулагч Юрген Клопп энэ эрчээрээ явбал Салах улирлын эцэст 70 гоолтой болж мэднэ хэмээн хошигножээ. 

Ирэх зун Египтын шигшээ баг Дэлхийн аварга шалгаруулах тэмцээнд оролцоно. Тэд манай хойд хөрш ОХУ-ын шигшээ багтай нэг хэсэгт багтсан билээ. Дээр нь Луис Суаресын тэргүүлсэн Уругвайн шигшээ баг, Саудын Арабын шигшээ баг нэмэгдэнэ. 


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.