Цалингийн өсөлт хүүхнүүдийн жин буурахад хүргэдэг
2017 оны 12 сарын 26
АНУ-ын мэргэжилтнүүд 2011-2014 онуудын дүн мэдээлэлд шинжилгээ хийжээ. Тэд хөдөлмөрийн хөлсний хэмжээ нэмэгдэхийн хэрээр эмэгтэйчүүдийн биеийн дундаж жин буурч байсныг олж мэдсэн байна. 

Харин эрчүүд орлогын хэмжээ нь өссөн ч жин нь буураагүй аж. Жилийн 80 мянган доллараас дээш орлоготой хүмүүсийн 31 хувь нь илүүдэл жинтэй байжээ. Харин үүнээс бага орлоготой хүмүүсийн таргалалтын түвшин 41 хувь байсан гэнэ. Энд хүйс чухал үүрэг гүйцэтгэж байлаа. Эмэгтэйчүүдийн хувьд орлогын түвшин нь нэмэгдэхийн хэрээр илүүдэл жин нь эрс буурч байсан аж. 

Орлого багатай эмэгтэйчүүдийн 45 орчим хувь нь тарган байв. Дундаж орлоготой хүүхнүүдийн 43 хувь нь илүүдэл жинтэй байсан бол өндөр орлоготой бүсгүйчүүдийн ердөө 30 хувь нь тарган байжээ. 

Эрчүүдийн хувьд бүх юм эсрэгээрээ байсан гэнэ. Тэдний дундаж орлоготой нь хамгийн тарган байдаг үзэгдэл ажиглагдав. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрыг солих хэрэгтэй юу?
  • Хэрэгтэй
  • Хэрэггүй