О.Баасанхүүг МАХН-аас хөөснийг мэдэгдэв
2018 оны 1 сарын 4
Оны өмнөхөн УИХ-ын гишүүн О.Баасанхүү МАХН-ын даргаар сонгогдсон нь багагүй дуулиан тарьсан бөгөөд түүнийг тус намын даргаар бүртгэх эсэхийг маргааш Улсын Дээд шүүх хэлэлцэх аж. Уг асуудалтай холбогдуулан МАХН-аас мэдээлэл хийсэн юм. 

МАХН-ын Ерөнхий нарийн бичгийн дарга Э.Эрдэнэжамъян "О.Баасанхүү, н.Бямбасүрэн тэргүүтэй хүмүүс хууль бусаар намын хурал хийж, намын даргад бүртгүүлэх асуудлаар Улсын Дээд шүүхэд хандаад байна. Улсын Дээд шүүх хуулиа барьдаг бол ямар ч тамга, тэмдэггүй, баримт нотолгоогүй, хууль бусаар үйлдсэн хүсэлтийг хүлээж авах ёсгүй байсан. Гэтэл О.Баасанхүүг МАХН-ын даргаар бүртгэх асуудлаар маргааш шүүх хурал хийх гэж байна. Хууль бусаар хурал зохион байгуулсан гэдгийг нотлох баримт байна. 

Түүний нэг нь О.Баасанхүү Төрийн ордонд намын хурал хийх зөвшөөрөл авахдаа хууль тогтоомжийн хэлэлцүүлэг нэрийдлээр Засгийн газрын хэрэг эрхлэх газрын дарга Г.Занданшатарт хандсан байгаа юм. Тэгээд зогсохгүй хурал зохион байгуулахад шаардагдах 18,4 сая төгрөгийг нэгдүгээр сарын дундуур шилжүүлнэ гэсэн албан бичиг илгээсэн байна.
Мөн тэр хуралд оролцсон хүмүүсийн овог, нэр, регистр огт таарахгүй байгаагийн дээр хуралд оролцохоос татгалзсан хүмүүсийг хэд хоног түгжиж, хорьсон байна. Тухайлбал, Баянгол зочид буудлын өрөөнөөс 40-50 хүнийг гаргаагүй хоёр хоног түгжсэн байгаа юм.

МАХН-аас О.Баасанхүүг албан ёсоор хөөсөн. МАХН-ын Бага хурлыг хийж, Хяналт ёсзүйн хороогоор ийм шийдвэр гаргасан. Манай намын гишүүн биш. Бид ийм хүнийг нэр дэвшүүлсэндээ ичиж байна. Харамсалтай нь МАХН парламентад суудалгүй нам боллоо. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Та ”Хүүхдийн мөнгө”-ийг бүх хүүхдэд өгөхийг дэмжиж байна уу?
  • Бүх хүүхдэд ялгахгүй өгөх хэрэгтэй
  • Шаардлагатай байгаа хүүхдүүдэд л өгөх нь зөв.
  • Авах хүсэлт гаргасан гэр бүлүүдэд өгөх хэрэгтэй