Татвар нэмэх асуудлыг ОУВС-гийнхантай дахин ярилцана
2018 оны 1 сарын 5
Он гарсаар долоон төрлийн татвар нэмэгдэхээр болсны нь Хүн амын орлогын албан татвар юм. Сард 1,5 саяас дээш төгрөгийн орлоготой иргэдийн татварыг шатлалтайгаар 15-25 хувиар нэмэхээр болсон нь олон нийтийн зүгээс маш их шүүмжлэлийг дагуулаад байгаа.

Тиймээс энэ асуудлаар Сангийн сайд Ч.Хүрэлбаатар ОУВС-тай яриа хийхээр болсон бөгөөд тус сангийн төлөөлөгчид нэгдүгээр сарын 25-нд Монголд ирэх үеэр уг асуудлыг хэлэлцэхээр төлөвлөжээ. Сангийн яамны зүгээс 2018 онд 1,5 саяас дээш төгрөгийн цалинтай иргэдийн татварын нэмэгдлийг ирэх 2019 онд гэр бүлийн байдал болон бусад асуудлыг харьцуулж, буцаан олгох саналыг ОУВС-ийн удирдлагад тавихаар бэлтгэж байгаа гэлээ. 

Өөрөөр хэлбэл, 2018 онд нэмэгдсэн татварын хэмжээг 2019 онд татварын буцаалт хэлбэрээр олгох боломжийг судалж, ОУВС-д саналаа хүргүүлэхээр болсон байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна