Хятадууд Гарет Бэйлийг үнэ цохиж авах уу?
2018 оны 1 сарын 8
"Реал" багийн ахлах дасгалжуулагч Зинедин Зидан багт нь маш өндөр үнээр ирж байсан довтлогч Гарет Бэйлийг Криштиану Роналдуг орлох хүн хэмээж байсан удаатай. Гэвч уэльс эр Эзэн хааны багт ирснээс хойш Роналдугийн сүүдэрт дарагдан төдийлөн өөрийгөө харуулж чадахгүй байгаа тул түүнийг удахгүй “Манчестер Юнайтед”-тай нэгдэж Премьер лигт хүч үзнэ гэх яриа гараад байсан. 

Тэгвэл хөлбөмбөгийн наймааны цонх нээгдсэн энэ үед Гаретыг Хятадын “Гуанжу Эвергранд” баг сонирхож эхэлсэн бөгөөд түүнийг авахын тулд “Реал Мадрид”-д 85 сая фунт стерлинг төлөхөд бэлэн байгаа гэнэ. Хэрвээ Бэйл Хятадын энэхүү баян багт ирвэл Италийн нэрт хамгаалагч Пабио Каннаварогийн удирдлага дор тоглох аж. Каннаваро өнгөрөгч оны 11 дүгээр сараас тус багийн ерөнхий дасгалжуулагчаар ажиллаж эхэлсэн билээ.  
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
М.Энхболдыг огцруулах шаардлагатай юу?
  • Тийм
  • Үгүй
  • Мэдэхгүй