Өндөр настай хосууд хамтдаа хорвоог орхижээ
2018 оны 1 сарын 8

Канадын Онтарио хотод 90 настай Грант Трийбнер болон түүний эхнэр 83 настай Ада Трийбнер нар гэрийнхээ ойролцоо хэдхэн цагийн зайтай нас барсан байсныг цагдаа нар олжээ. Нөхөр нь гэрийнхээ гадаа зүрхний шигдээс болж нас барсан бөгөөд талийгаачийг буцаж орж ирэхгүй удсанд санаа нь зовсон эхнэр нь хайхаар гарч яваад хүйтэнд осгож амиа алдсан байна. 

Үхэн үхтлээ нэг нэгнийхээ төлөө байна гэдэг амлалтдаа хүрч, хүмүүст сэтгэл шимшрэм ч гэлээ жинхэнэ хайрын бодит жишээг харуулаад хорвоогоос одсон хосуудын түүх олон хүний сэтгэлийг хөдөлгөсөн байна. 

Трийбнерийн гэр бүлийн ойр дотны хүмүүс хосуудын талаар "Тэд бол гэрлэлт гэж чухам юу байдгийн гайхалтай жишээ болсон хүмүүс. Тэр хоёр бие биенээ маш их хүндэтгэдэг байсан" хэмээсэн бол хөрш нь "Тэд хоорондоо маш ойр дотно байсан. Хоёулаа гэртээ хамт байх дуртай байлаа" гэжээ. 

Грант Трийбнер фермер байсан бөгөөд тэтгэвэрт гарсныхаа дараа сургуулийн жолоочоор ажиллаж байсан бол эхнэр Ада нь сургуульд багшилдаг байжээ. Хосууд 1987 онд хүүгээ алдсан ч хоёр охин, олон сайхан зээтэй болсон байна. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
М.Энхболдыг огцруулах шаардлагатай юу?
  • Тийм
  • Үгүй
  • Мэдэхгүй