Хүчирхийллийн эсрэг хөдөлгөөнийг дэмжээгүйгээ хувцсаараа илэрхийлэв
2018 оны 1 сарын 8
Нэрийг нь орчуулвал "Цагаан цагаан" гэх утга илэрхийлдэг жүжигчин Бланка Бланко өчигдөр болсон "Алтан бөмбөрцөг" наадмын сонирхол татсан зочдын нэг нь байлаа. Тус наадамд оролцож буй зочид энэ жил бүгд “negra negro” буюу испани хэлнээс орчуулвал "хар хар" хэмээх утга бүхий хөдөлгөөнийг өрнүүлж, хар өнгийн хувцас өмсөж ирэн хүчирхийллийн эсрэг #TimesUp буюу "Цаг нь боллоо", #MeToo буюу "Би ч бас" хөдөлгөөнүүдэд нэгдэж буйгаа илэрхийлсэн юм. Гэтэл Бланка бүсгүй Холливудынхнаас тэс өөр буюу улаан өнгийн даашинзтай ирж олныг гайхшруулжээ. 

"Хуурамч мэдээ" киноны од бүсгүй тоглосон киноноосоо илүүтэй Улаан хивсний ёслолд өмсөж ирсэн даашинзаараа алдартай нэгэн. Учир нь, тэрбээр өнгөрсөн жилийн "Оскар"-ын наадамд ирэхдээ дэндүү өндөр оноотой даашинз өмссөнөөс болж түүний нууцлаг эрхтэн гэрэл зурагчдын дуранд өртөж, багагүй шуугиан тарьсан юм. 

"Алтан бөмбөрцөг" наадамд өөр өнгийн даашинзтай ирсэн цор ганц хүн нь Бланка Бланко биш юм. Модель Барбара Мэйер ч мөн цэцгэн хээтэй өнгөлөг даашинзаар гангарсан бол Холливудын гадаад хэвлэл мэдээллийн холбооны тэргүүн Мехер Татна час улаан өнгийн хувцастай ирсэн билээ. Гэхдээ Татна #TimesUp хөдөлгөөнийг дэмжиж буй гэдгээ шоуны үеэр мэдэгдсэн юм.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Багш нарын ажил хаялтыг та дэмжиж байна уу?
  • Дэмжиж байна
  • Эсэргүүцэж байна
  • Мэдэхгүй