Хошуугаа уснаас ил гарган хөлдсөн матарнууд амьд үлджээ
2018 оны 1 сарын 10
Хойд Каролина дахь Свэмп цэцэрлэгт хүрээлэнд Шаллотте голд хошуугаа ил гарган усан дор хөлдсөн матарнуудын дүрс бичлэг нийгмийн сүлжээгээр тарж олны анхаарлыг татав. Америкийн зүүн хэсэгт өнгөрөгч долоо хоногт цочир хүйтэрсэн тул гол, цөөрмүүд ихээр хөлдсөн байна. Харин энэ үеэр дээрх гүмбараа матрууд амьд үлдэхийн тулд хошуугаа уснаас дээш гарган эх биеэрээ усан дор хөлджээ. Тус цэцэрлэгт хүрээлэнгийн ажилтны хэлж буйгаар мөс хайлсны дараа эдгээр хүйтэн цуст амьтад амьд байсан төдийгүй тун сайн байгаа нь харагдсан гэнэ. 

Тэд амьсгалахын тулд хамраа ил гаргадаг. Энэ бол цаг уурын өөрчлөлтөд тэдний байгалийн зөнгөөрөө хийдэг үйлдэл юм. Саяын явдлын дараа гүмбараа матрууд маш их туйлдсан харагдсан ч хөдлөхтэйгээ байж, амьд үлдэж чадсан байна. Хэрвээ матрууд хамраа ил гаргалгүй усан дор хөлдсөн бол агааргүйдлээс болж 24 цагийн дотор үхэх байжээ. Мөн голын ус удаан хугацаагаар хөлдүү чигээрээ байсан бол матрууд үхэлтэй нүүр тулах байсан гэнэ. Аз болоход удалгүй цаг агаар дулаарснаар голын мөс хайлж, матарнууд эрх чөлөөтэй болжээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрыг солих хэрэгтэй юу?
  • Хэрэгтэй
  • Хэрэггүй