Б.Хурцын талаарх гомдлыг Улсын Ерөнхий прокурорт шилжүүлжээ
2018 оны 1 сарын 10
Өргөдлийн байнгын хорооноос өнөөдөр мэдээлэл хийсэн юм. Тус байнгын хороонд иргэд хувь хүний орлогын албан татварын нэмэгдэл, Тагнуулын Ерөнхий газрын дарга асан Б.Хурцтай холбоотой асуудлаар болон агаарын бохирдол түүний хор уршигийн талаарх өргөдөл гомдлыг олноор ирүүлжээ. 

Б.Хурцтай холбоотой өргөдөл, гомдлыг шийдвэрлүүлэхээр Улсын Ерөнхий прокурорт ханджээ 
Тагнуулын Ерөнхий газрын дарга асан Б.Хурцтай холбоотой гомдол, санал Өргөдлийн байнгын хороонд олноор иржээ. Иргэдээс ирүүлсэн өргөдөл, гомдлыг хуулийн дагуу судлан үзээд шийдвэрлүүлэхээр Улсын Ерөнхий прокурор М.Энх-Амгаланд шилжүүлж, хэрхэн шийдвэрлэсэн талаарх хариуг Өргөдлийн байнгын хороонд ирүүлэхийг мэдэгдсэн байна. 

Татвар нэмсэнийг эсэргүүцэн 1451 өргөдөл иржээ 
Хувь хүний орлогын албан татвар тухай хууль 2018 оны 1 дүгээр сарын 1-ны өдрөөс хэрэгжиж эхэлсэнтэй холбогдуулан зарим байгууллагуудын үйлдвэрчний эвлэлээс албан бичгээр болон urgudul.parliament.mn цахим хаягаар иргэдээс 1451 өргөдөл ирүүлжээ. Тухайлбал, хувь хүний орлогын албан татварыг шатлалтайгаар 10, 15, 20, 25 хувийн албан татвар ногдуулахаар болсныг эсэргүүцэж Хувь хүний орлогын албан татварын тухай хуульд нэмэлт, өөрчлөлт оруулах хуулийн төслийг санаачлан батлуулж өгөхийг хүссэн байна. Иргэдээс ирүүлсэн өргөдөл, гомдлыг Өргөдлийн байнгын хорооноос судалж байгаа аж. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Та ”Хүүхдийн мөнгө”-ийг бүх хүүхдэд өгөхийг дэмжиж байна уу?
  • Бүх хүүхдэд ялгахгүй өгөх хэрэгтэй
  • Шаардлагатай байгаа хүүхдүүдэд л өгөх нь зөв.
  • Авах хүсэлт гаргасан гэр бүлүүдэд өгөх хэрэгтэй