Онгоцны үйлчлэгч 500 мянган доллар хилээр гаргахыг завджээ (видео)
2018 оны 1 сарын 11
Онгоцны үйлчлэгч бүсгүй 500 мянган доллар хилээр гаргах гэж байгаад баригджээ. Энэтхэгийн агаарын тээврийн компанид ажилладаг 25 настай Девши Кулшрештха 100 долларын дэвсгэртүүдийг тээшний рентген үзлэгээр илрүүлэхгүйн тулд мөнгөлөг цаасанд боож, гутал, гоо сайхны цүнхэндээ хийсэн байжээ. 

Бүсгүй Жет Эйрвэйс компанийн онгоцны үйлчлэгч бөгөөд Даваа гарагийн шөнө 02 цагт Делигээс Хонконг руу явах гэж байхад нь Гаалийн байцаагчид ийнхүү баривчилсан байна. Байцаагч нар түүний цүнхнээс нийтдээ 480 мянга 200 доллар хураасан гэнэ. 

Тэд Девшиг мөнгө угаадаг маш том сүлжээний гишүүн Амит Малхотра гэх эртэй хамтарч ажилладаг хэмээн сэжиглэж байгаа аж. Амит Малхотра Дели хотод алтны наймаачдаас мөнгийг нь цуглуулж аваад Кулшрештхагаар дамжуулан хилийн чанад руу гаргаж, алт болгоод буцаан Энэтхэгт авчирдаг байж магадгүй юм. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
М.Энхболдыг огцруулах шаардлагатай юу?
  • Тийм
  • Үгүй
  • Мэдэхгүй