Улаан дэнлүүний гудамжинд зураг авахыг хориглов
2018 оны 2 сарын 10
Недерландын Амстердам хотын захиргаа тэндхийн Улаан дэнлүүний гудамжинд жуулчид биеэ хэрхэн авч явах талаар гаргасан дүрмээ чангатгажээ. Энэ оны дөрөвдүгээр сарын 01-нээс 20-иос дээш хүнтэй жуулчдын баг энэ гудамжаар орж болохгүй. 

Тэр гудамжаар жуулчдыг дагуулж орох хөтөч-орчуулагч урьдчилж зөвшөөрөл авах ёстой. Гудамжаар явах жуулчид нэг газраа удаан зогсох, дэлгүүрийн үүд юм уу гүүрэн дээр зогсох хориотой болно. Мөн жуулчид чанга ярих юм уу хашгирч болохгүй. Хамгийн чухал өөрчлөлт бол хэрэгт дуртай нөхдүүд ажил, үйлчилгээгээ санал болгож буй биеэ үнэлэгчдийн суугаа цонх руу нүүрээрээ харж зогсож болохгүй. Түүнчлэн тэдний гэрэл зургийг авах нь хориглогдов. 

Сүүлийн жилүүдэд энэ гудамжийг ирж үзэхийг хүсэгчдийн тоо эрс нэмэгдэж байгаа билээ. Үүнийг дагаад биеэ үнэлэгчдийн эрх ашиг ихээр зөрчигдөж байгаа юм. Дүрэм зөрчсөн хөтөч-орчуулагчдыг торгох аж. Хувь хүн 190 еврогийн торгуул хүлээх бол аялал жуулчлалын компанийн ажилтан 950 еврогоор торгуулна. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрыг солих хэрэгтэй юу?
  • Хэрэгтэй
  • Хэрэггүй