Виктория Бэкхем гүрийсэн хэвээр
2018 оны 2 сарын 12
Сүүлийн үед 1990-ээд оны дунд үеэр ихэд алдаршиж байсан Spice Girls хамтлаг эргэж нэгдэнэ гэсэн мэдээлэл их гарч байгаа. Хамгийн гол асуудал бол тус хамтлагийн гишүүн асан Виктория Бэкхем буцаж нэгдэхийг зөвшөөрөхгүй байсан билээ. Их Британийн The Sun сонин хамтлагийн шүтэн бишрэгчдэд нэгэн баярт мэдээг дуулгасан. Тэд өөрсдийн эх сурвалжийг иш татан Spice Girls хамтлаг эргэж нэгдэх болсон. Хүүхнүүдийн авах урамшууллын хэмжээ ч тодорхой болсон гэж бичсэн билээ. Тэгвэл хамтлагийн экс гишүүн Виктория Бэкхем энэ мэдээлэл худлаа гэдгийг мэдэгдэв. 

Виктория Vogue хэвлэлд өгсөн ярилцлагадаа “Би аялан тоглолтоор явах бодолгүй байна. Spice Girls аялан тоглолт хийхгүй” гэж мэдэгдэв. Өмнө нь Виктория хамтлагтаа буцаж орохгүй гэдгээ нэг бус удаа мэдэгдэж байсан. Энэ онд хамтлагийн гишүүд хамтдаа тайзан дээр гарна гэсэн мэдээлэл гарсан бөгөөд энэ мэдээлэл үнэн бодит эсэхэд олон хүмүүс эргэлзсэн. Хамтлаг нэгдэж болох ч Виктория үгүй байх гэсэн таамаглал ийнхүү батлагдав. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй