”Эрдэнэт”-ийн 49%-ийг төрд авсан шийдвэрийг түдгэлзүүлжээ
2018 оны 2 сарын 12
Засгийн газраас “Эрдэнэт үйлдвэр"-ийн 49 хувийг төрийн мэдэлд авах шийдвэрийг гаргаж, улмаар нийт хувьцааных нь 10 хувийг ард түмэнд эзэмшүүлэхээр болоод буй. Үүнээс өмнө тус үйлдвэрийг төрийн мэдэлд авах утга бүхий УИХ-ын 23-р тогтоолын дагуу тус үйлдвэрийн улсын бүртгэлийн гэрчилгээ болон ТУЗ-ын бүрэлдэхүүнд өөрчлөлт оруулсан байдаг. Уг асуудал гурван шатны шүүх дамжиж, дээд шүүх дээр “Монгол зэс” корпорацийн талд гараад байсан юм.

“Монгол зэс” корпорацийн зүгээс Лондонгийн хуулийн фирмд хандсаны зэрэгцээ дотооддоо захиргааны хэргийн анхан шатанд Засгийн газрын шийдвэртэй холбогдуулан гомдол гаргаад байсан юм. Захиргааны хэргийн шүүх өнгөрсөн баасан гаригт уг асуудлаар хуралдаж, “Эрдэнэт”-ийн 49 хувийг төрийн мэдэлд авах тухай Засгийн газрын шийдвэрийг түдгэлзүүлсэн байна.

Төрөөс шинээр томилсон “Эрдэнэт үйлдвэр” ХХК-ийн ТУЗ нь ямар нэгэн үйл ажиллагаа явуулах эрхгүй болж, улсын бүртгэлийн гэрчилгээнд дахин зөрчил үүсч буй юм. “Эрдэнэт үйлдвэр"-ийн 51 хувь Лондонгийн Арбитрын шүүх дээр маргаантай байгаа энэ үед 49 хувийн асуудал дахин хөндөгдөж буй нь анхаарал татаж байна.
Эх сурвалж: Medee.mn
Эх сурвалж www.wikimon.mn
Ж.МЯДАГБАДАМ
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Бөхийн өргөөг төрийн мэдэлд авах нь зөв үү?
  • Зөв
  • Буруу