Шүүх Ж.Батзанданг Б.Хурцаас уучлал гуйх ёстой гэж үзэв
2018 оны 2 сарын 13
Өнгөрсөн оны арваннэгдүгээр сард УИХ-ын гишүүн Ж.Батзандан Тагнуулын ерөнхий газрын дарга асан Б.Хурцыг Д.Энхбатын үхэлд буруутай хэмээн мэдэгдээд, “Хууль бусаар хүн хулгайлсан хэргээр Герман, Англи, Европын холбоо Б.Хурцыг шалгаж байна. Тэр Европын холбоо руу орох эрхгүй болсон. Энэ хэргийг шалгах ёстой.

Мөн С.Зоригийг хөнөөсөн хэргийн захиалагчийг зарлахгүй гурван хүнд ял өгсөн нь Б.Хурцын хийсэн ажил, түүнээс хүн болгон айдаг. Миний ээж ч айдаг. “Эрдэнэт үйлдвэр"-ийн 49 хувийг Худалдаа хөгжлийн банкинд авч өгөх ажиллагааг гардан зохион байгуулсан хүн бол алдарт тагнуулч Б.Хурц” хэмээсэн юм.

ТЕГ-ын дарга асан Б.Хурц нэр төрд халдсан гэх асуудлаар УИХ-ын гишүүн Ж.Батзанданг шүүхэд өгч, “Ямар хэлбэрээр мэдээлэл тараасан шигээ эргээд уучлалт гуйх ёстой” гэсэн хүсэлт гаргасан байдаг.

Баянзүрх дүүргийн Иргэний хэргийн анхан шатны шүүхээс дээрх хэргийг хэлэлцэн шийдвэрлэжээ. Тодруулбал, Тагнуулын ерөнхий газрын дарга асан Б.Хурцын нэхэмжлэлээр УИХ-ын гишүүн Ж.Батзанданд холбогдох хэргийг хэлэлцээд, Ж.Батзанданг буруутай тул Б.Хурцаас уучлалт гуйх ёстой гэж үзжээ.
Эх сурвалж: Medee.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй