Сонгодог өгүүллэгийн орчуулгын уралдааны хугацаа дуусахад хэдхэн хоног үлдлээ
2018 оны 2 сарын 26
Уралдааны зорилго
Утга зохиолын орчуулгыг шинэ түвшинд гаргах, орчуулагчдын ирээдүй хойч залуу үеийг бэлтгэх, тэдний авьяас чадварыг нээн хөгжүүлэх, орчуулгын бүтээлийг цаашид бүх талаар хөхиүлэн дэмжих үүднээс Монголын Орчуулагчдын Эвлэлээс орчуулгын шилдэг сонгодог өгүүллэг хөрвүүлэх  ээлжит уралдааныг тав дахь жилдээ зохион байгуулахаар боллоо.
        
Энэ жилээс эхлэн тус уралдааны цар хүрээг өргөжүүлэх үүднээс утга зохиолын орчуулга хийх хүсэл тэмүүлэл, авьяас сонирхол, мэдлэг чадвартай бүхий л насны хүмүүс оролцох боломжтой. Оролцогчид дэлхийн утга зохиолын сор болсон үргэлжилсэн үгийн бүтээлүүдээс эх хэлнээ орчуулан оролцоно. Орчин цагийн нэртэй зохиолчдын бүтээлээс мөн орчуулж болно.
Уралдаанд 1-3 орчуулгын бүтээлээр оролцохоос гадна урьд өмнө монгол хэлнээ орчуулагдаагүй зохиол байх шаардлага тавигдана. 

Уралдааны шалгаруулалт
Нэгдүгээр байр- 1. Өргөмжлөл, 500.000 төгрөг
Хоёрдугаар байр- 1. Өргөмжлөл, 300.000 төгрөг 
Гуравдугаар байр- 1. Өргөмжлөл, 200.000 төгрөг
Тусгай шагнал- 3. Өргөмжлөл, 100.000 төгрөг
Оролцогч бүрт “Сонгодог зохиолын дээжис-5” номын дээжээс бэлэглэнэ. 
     
Уралдааны шалгаруулалтын дүнг 2018 оны 07 сарын 15-ны дотор нийтэд зарлана. Уралдааны дүнг МОЭ-ийн мэдээллийн түнш Монголын Сайтын Холбооны гишүүн сайтуудаар мэдээлж, шалгарсан бүтээлүүдээр “Сонгодог өгүүллэгийн дээжис-5” номыг эрхлэн гаргаж уншигч олны хүртээл болгоно. 

Бүтээл хүлээн авах хугацаа
Хөрвүүлсэн бүтээлийг 2018 оны 02 сарын 26-наас 2018 оны 06 сарын 01-ний өдөр хүртэлх хугацаанд mongol.translators@gmail.com цахим хаягаар хүлээж авна. Харилцах утас: 8822-7289, 9999-7950
Жич: Хөрвүүлсэн өгүүллэгийнхээ дор тухайн орчуулагч өөрийн овог, нэр, регистрийн дугаар, холбоо барих утасны дугаараа бичнэ. 

Танд амжилт хүсье.


Монголын Орчуулгын Эвлэл

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй