Ч.Сайханбилэгийг Дубайн гэрээтэй холбогдуулан АТГ-аас шалгаж эхэлжээ
2018 оны 2 сарын 27
Улсын Ерөнхий сайд асан Ч.Сайханбилэгийг АТГ Оюутолгойн гэрээний бичиг баримттай холбоотойгоор шалгаж эхэлснийг АТГ-ын Олон нийттэй харилцах хэлтсээс мэдэгдлээ.

УИХ-ын чуулган завсарласан хэдий ч улс төрийн хүрээнд өрнөл бий болгож, зайлшгүй тулгамдаж буй асуудал нь “Эрдэнэт” үйлдвэр ӨАБНУ-ын Стандарт банкинд төлөх болчихоод байгаа өрнөөс илүүтэй Таван толгой дулааны цахилгаан станцыг барьж байгуулах явдал болчихоод буй. 

ЭРГЭН САНУУЛВАЛ, Монгол Улсын Засгийн газар 2018 оны 2 дугаар сарын 15-ны өдөр “Өмнөд бүсийн эрчим хүчний салбарт хамтран ажиллах гэрээ” (ӨБЭХСХАГ)-г цуцалсан билээ. ӨБЭХСХАГ нь өмнийн говийн бүсэд эрчим хүчний хангамж хөгжүүлэх цогц төлөвлөгөө боловсруулах зорилгоор Засгийн газар болон “Оюу толгой” ХХК-ийн хооронд байгуулсан урт хугацааны стратегийн хамтын ажиллагааны суурь баримт юм. Тус гэрээнд Засгийн газар Тавантолгойн нүүрсний бүлэг ордод түшиглэн бие даасан Тавантолгойн цахилгаан станцыг (ТТЦС) шинээр барьж, Оюу толгойн эрчим хүчний хэрэгцээг хангах зорилгыг тусгаж, “Оюу толгой” нь станцын эзэмшигч бус эрчим хүчний худалдан авагч байхаар заасан юм.

Харамсалтай нь Оюутолгойн хувьцааг эзэмшигч “Рио Тинто” компани Монгол Улсын Засгийн газартай байгуулсан “ТТЦС-ын эзэмшигч бус эрчим хүчний худалдан авагч байх” гэрээнээсээ булзаж, Оюутолгойн уурхай дээрээ өөрсдийн цахилгааны эх үүсвэрийг хангах цахилгаан станц барихаар эргэн судалж эхэлсэн төдийгүй, Эрчим хүчний яамнаас цахилгаан станц барих зөвшөөрлийг авахаар хөөцөлдөж эхэлсэн нь үүсээд байсан асуудлыг улам хүндрүүлсэн.  

Энэ асуудалтай холбогдуулан Эрчим хүчний сайд Ц.Даваасүрэн, “Ч.Сайханбилэг Ерөнхий сайд байхдаа Дубайн гэрээг үзэглэснээр улсынхаа хөгжлийг гацаасан учраас түүнд хариуцлага тооцох ёстой” гэж ил шулуухан мэдэгдсэн. 

Эрчим хүчний Сайдын шаардлага ёсоор Авлигатай тэмцэх газраас Ерөнхий сайд асан Ч.Сайханбилэгт хэрэг бүртгэл нээж, сэжигтнээр татсан нь энэ аж.
Эх сурвалж: ekhsurvalj.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна