“Кока Кола” согтууруулах ундаа үйлдвэрлэнэ
2018 оны 3 сарын 9
125 жилийн түүхэндээ “Кока Кола” компани анх удаагаа согтууруулах ундаа үйлдвэрлэх туршилтыг хийж эхлэв. Согтууруулах ундаа гаргах санааныхаа талаар тус компанийн Япон дахь салбарын ерөнхийлөгч Жорж Гардуньо ярьсан байна. 

Тэрбээр “Манай компани согтууруулах бодис агуулаагүй ундааг хийж ирсэн. Бидний хийж буй энэ туршилт бол тодорхой хэрэглэгчдэд зориулагдсан зүйл” хэмээн онцолжээ. Тэгэхээр бусад улс, орнуудад уг согтууруулах ундаа худалдаалагдахгүй гэсэн үг. 

Сүүлийн үед Японд согтууруулах бодис багаар агуулсан хийжүүлсэн ундаанууд эрэлттэй байгаа. Тэнд Японы брэндүүд ноёлж байгаа билээ. Сөжү архи, хийжүүлсэн ус, амтлагч зэргийг хольж хөнгөн коктейлиүд хийгдсэнээр япончуудын сонирхлыг ихээр татаж байгаа юм. 

Эдгээрийн хатуулаг 3-5 хувьтай байгаа нь шар айрагтай ойролцоо гэсэн үг. Олон зуун янзын амттай байгаа нь эмэгтэйчүүдийн талархлыг хүлээж байгаа гэнэ шүү. Тиймээс “Кока Кола” компани тус улсад байр сууриа хадгалж үлдэхийн тулд хатуулаг багатай коктейль үйлдвэрлэхээр шийдсэн бололтой. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна