Юанийг дэлхийн валют болгоно
2018 оны 3 сарын 10
Хятадын засаг захиргаа юанийн хэрэглээг түгээн дэлгэрүүлэх бодлогоо үргэлжлүүлэх аж. Тэд өөрсдийн санхүүгийн зах зээлийг нээснээр энэ ажлыг улам эрчимжүүлнэ гэдгийг Хятадын Ардын банкны тэргүүн Жоу Сяочуань мэдэгджээ. Өдгөө юань худалдаа наймаа, хөрөнгө оруулалтын төлбөрт идэвхтэй хэрэглэгдэж байгаа. 

Гэхдээ зах зээлд оролцогчид өөрсдийн төлбөр тооцоо, хөрөнгө оруулалтад юанийг ашиглах явдлыг нэмэгдүүлэхийн тулд нэлээд урт хугацаа шаардлагатай гэдгийг Сяочуань онцолжээ. Тэрбээр “Бид хэнийг ч албадаж чадахгүй. Тийм учраас энэ нь аажим үргэлжлэх ёстой үйл явц юм” хэмээн тодотгосон байна. 

Олон улсын валютын сангийн Гүйцэтгэх зөвлөл 2015 оны 11 дүгээр сард юанийг төлбөр тооцооны сагсанд багтаах шийдвэрийг гаргасан билээ. өдгөө дэлхий даяар доллар, евро, фунт стерлинг, йен, юань зэрэг мөнгөн тэмдэгтийг аливаа төлбөр тооцоо, хөрөнгө оруулалтад хэрэглэх болсон билээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна