С.Баярцогтыг 30 хоног хорихоор болжээ
2018 оны 4 сарын 3
ЗГХЭГ-ын дарга асан С.Баярцогт, Татварын ерөнхий газрын даргаар ажиллаж байсан Н.Ариунсан нарыг АТГ-аас саатуулан шалгаж байна. Тэднийг Оюутолгойн төсөлтэй холбогдуулж “Батлагдсан гэрээ эрх зүйн баримт бичгүүдийг батлахдаа эрх мэдэл албан тушаалаа урвуулан ашиглаж илт хууль бус шийдвэр гаргаж бусдад давуу байдал олгосон байж болзошгүй” гэх хэрэгт буруутган ШШГЕГ-ын харьяа цагдан хорих 461 дүгээр ангид саатуулаад байгаа юм.

Тэднийг сэжигтнээр татан шалгаж буй. Сэжигтнээр татан шалгаж байхад хоригдох хуулийн хугацаа 72 цаг юм. Харин Авлигатай тэмцэх газрын Мөрдөн шалгах хэлтсээс С.Баярцогт нарыг яллагдагчаар татах, үргэлжлүүлэн цагдан хорих таслан сэргийлэх арга хэмжээ авах саналаа Нийслэлийн Прокурорын газарт өчигдөр тавьсан юм. Прокуророос цагдан хорих саналыг шүүхэд хүргүүлсэн байна. Шүүх үргэлжлүүлэн цагдан хорих эсэх асуудлыг дөнгөж сая хэлэлцээд  С.Баярцогтыг 30 хоног цагдан хорих, таслан сэргийлэх арга хэмжээ авахаар шийдвэрлэжээ. Одоо үргэлжлүүлэн Татварын ерөнхий газрын даргаар ажиллаж байсан Н.Ариунсанг үргэлжлүүлэн хорих эсэхийг хэлэлцэх гэж байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
ЗГ-ын гишүүн ХЗДХ-ийн сайд Ц.Нямдорж, Сангийн сайд Ч.Хүрэлбаатар нарыг огцруулах нь зөв үү?
  • Зөв
  • Буруу
  • Мэдэхгүй