Экс Ерөнхий сайд Ж.Эрдэнэбатыг хууль зөрчсөн гэв
2018 оны 4 сарын 7
Монгол Улсын Ерөнхий сайд асан Ж.Эрдэнэбат Хөвсгөл аймгийн Засаг даргаар Л.Ганболдыг томилох тушаалыг гаргасан нь хууль зөрчсөн үйлдэл гэж үзжээ. Учир нь Л.Ганболд нь Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 26 дугаар зүйлийн 26.5. “Аймаг, нийслэл, сум, дүүргийн Засаг даргад нэр дэвшигч нь дараах шаардлагыг хангасан байна:” гээд 26.5.2 дахь заалтад “төрийн албанд 3-аас доошгүй жил ажилласан байх” гэж заасныг хангаагүй байжээ. Гэтэл Ерөнхий сайд  Ж.Эрдэнэбат 2016 оны долдугаар сарын 20-ны өдөр 12 дугаар захирамжийг гаргаж, түүнийг Засаг даргаар томилсон нь Үндсэн хуулийн холбогдох заалтыг зөрчсөн эсэх маргааныг Үндсэн хуулийн цэц өчигдрийн Дунд суудлын хуралдаанаараа хянан хэлэлцлээ.

Уг хуралдаанаар Л.Ганболд нь төрийн албанд 3-аас доошгүй жил ажиллаагүй болох нь холбогдох хуулийн зохицуулалт болон Нийслэлийн захиргааны хэргийн шүүхийн 2013 оны 11 дүгээр сарын 21-ний өдрийн 506 дугаар шийдвэрээр тогтоогдсон тул Ерөнхий сайд асан Ж.Эрдэнэбатын 2016 оны 7 дугаар сарын 20-ны өдрийн “Засаг даргаар томилж, ажлаас чөлөөлөх тухай” 12 дугаар захирамжийн 1 дэх заалт Үндсэн хуулийн Нэгдүгээр зүйлийн 2 дахь хэсгийн “Ардчилсан ёс, шударга ёс … хууль дээдлэх нь төрийн үйл ажиллагааны үндсэн зарчим мөн.” гэж заасныг зөрчсөн гэж үзэн уг заалтыг түдгэлзүүлсэн байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна