Буффон Аваргуудын лигийн сүүлчийн тоглолтдоо талбайгаас хөөгдөв
2018 оны 4 сарын 12
Өчигдөр шөнө Испанийн хөлбөмбөгийн “Реал” баг тун чиг зовж байж Италийн “Ювэнтус”-ыг Аваргуудын лигийн цомын төлөөх тэмцээнээс мулталж чадлаа. Өмнөх тоглолт 3:0-ийн харьцаатайгаар өндөрлөсөн бол өчигдөр “Реал” айлын талбай дээр 1:3-аар хожигдсон юм. 

Харин Жанлуйжи Буффон Европын багуудын хүсдэг хамгийн том цомыг хүртэх эцсийн боломжоо алджээ. Гурван бөмбөгийн зөрүүгээ “Ювэ” нөхөж чадсан ч нэмэлт цагт зочин багийн торгуулийн талбайд Васкисийг унагаснаар Английн шүүгч Майкл Оливер 11 метрийн торгуулийн цохилтын цэг рүү заасан билээ. 

Шүүгч рүү “Ювэ”-гийн бүх тоглогчид дайрч давшилсан бөгөөд Буффон хамгийн ширүүн нь байсан гэнэ. Хариуд нь Оливер ямар ч нүүрний хувиралгүйгээр агуу хаалгачид улаан хуудас үзүүлжээ. Торгуулийн цохилтыг Роналду амжилттай гүйцэтгэснээр Буффоны мөрөөдөл талаар болов. 

Өдгөө 40 настай Жижи гэрээгээ сунгахгүй бөгөөд Италийн шигшээгийн дасгалжуулагчдын багт орж ажиллана гэсэн сураг дуулдав. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна