Буудлаа хайж яваад уулын орой дээр гарчээ
2018 оны 4 сарын 13
Альпийн нуруунд оршдог Червиния амралтын газрын нутаг дэвсгэр дээр Павел гэдэг нэртэй 30 настай эстони жуулчныг саатуулжээ. Мань хүн согтуурхсан үедээ буудал хайж яваад 2400 метрийн дээр байрладаг уушийн газрыг олжээ. Павел нэлээн согтуу байсан бөгөөд өөрөө ч мэдэлгүй урт замыг туулсан аж. Нэлээн уучихсан эр шөнө дөлөөр буудал руугаа харьж явсан гэнэ.

Гэтэл цасанд дарагдсан уулын жим түүнийг цанын зам руу оруулчихсан аж. Мань хүн тэр замаар яваад л байж, яваад л байж. Ийнхүү Павел 2400 метрийн өндөрт гараад нэгэн уушийн газрыг олжээ. Тэр газар хаалттай байсан ч халамцуу эрийг энэ нь зогсоосонгүй. 

Мань хүн дотогш нэвтэрч ороод хоёр лонх ус уусны эцэст нам унтсан байна. Түүнийг алга болсон хэмээн ойр дотныхон нь эрэл хайгуул эхлүүлсэн бөгөөд аврагчид, цагдаа нар түүнийг шөнөжингөө хайжээ. Уушийн газрын ажилтнууд өглөө нь ажилдаа ирээд сайн эрийг унтаж байгааг нь харсан гэнэ. Түүнийг торгоод явуулсан аж. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна