Зам тээврийн осол 30 хувиар буурчээ
2018 оны 4 сарын 13
Монгол Улсын хэмжээнд энэ оны нэгдүгээр улирлын байдлаар зам тээврийн осол 7568 бүртгэгдэж өмнөх оны мөн үеийнхээс 30.5 хувиар буурсан бөгөөд нийт ослын 6875 буюу 90.8 хувь нь зөвхөн Улаанбаатар хотод бүртгэгджээ. Харин бүртгэгдсэн нийт зам тээврийн ослын 98.5 хувь нь жолоочийн буруугаас, 1.3 хувь нь явган зорчигчийн буруутай үйлдлээс, замын нөхцөл байдлаас 0.2 хувь нь гарч байгаа бөгөөд жолооч нар хажуу хоорондын зай тохируулаагүй, уулзвар гарц нэвтрэх журам зөрчсөн, эгнээ байр буруу эзэлснээс шалтгаалсан осол дийлэнх хувийг эзэлж байгаа гэх тоон үзүүлэлтийг Замын цагдаагийн албанаас мэдээллээ.

Түүнчлэн Зам тээврийн осол гарсан шалтгааныг өнгөрсөн оны үзүүлэлттэй харьцуулахад, гүйцэж түрүүлэх үйлдэл буруу гүйцэтгэсэн 31.4 хувиар, Эсрэг урсгалд орсон 3.7 хувиар, Хурд хэтрүүлснээс гарсан осол 76.1 хувиар тус тус өссөн боловч Уулзвар гарц нэвтрэх журам зөрчсөнөөс 4.4 хувиар, Анхаарал болгоомжгүй хөдөлгөөнд оролцсон 77.7 хувиар, гэрэл дохио зөрчсөний улмаас гарсан осол 20 хувиар, Хажуу хоорондын зай тохируулаагүйгээс гарсан осол 20.5 хувиар, Эгнээ байр буруу эзэлсэн 54 хувиар, Явган зорчигчийн буруутай үйлдлээс гарсан осол 58.3 хувиар гэх зэргээр тус тус буурсан эерэг үзүүлэлтэй байгаа нь Замын хөдөлгөөний дүрэм, Зөрчлийн тухай хууль болон ослын хор уршгийг таниулах, сурталчлах ажиллагаа сайжирсан, хөдөлгөөнд оролцогчдын сахилга хариуцлага нэмэгдсэн, цагдаагийн байгууллагаас гудамж замд хийж буй хяналт шалгалт үр дүнтэй явагдаж зөрчлийн илрүүлэлт өссөнтэй холбоотойгоор үүнийг дагаад зам тээврийн осол, хэргийн тоо буурсан байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
М.Энхболдыг огцруулах шаардлагатай юу?
  • Тийм
  • Үгүй
  • Мэдэхгүй