Гуардиола долоо дахь удаагаа аварга болов
2018 оны 4 сарын 16
Дасгалжуулагч болоод Пеп Гуардиола долоо дахь удаагаа багаа аварга болгов. 2008 оны зун мань хүн “Барселона”-гийн хоёр дахь багийг дасгалжуулж байгаад тушаал дэвшсэн билээ. Ерөнхий дасгалжуулагч болоод Пеп Деку, Роналдиньо хоёрыг хөөж явуулаад, Пикьег Дани Алвестай худалдаж авсан. Ирэх жилийнх нь хавар багаа аварга болгосон билээ. Тэр жил “Барселона” Ла лигтээ 105 гоол оруулж, дараагийн багаас есөн оноогоор тасарсан юм. Дараачийн хоёр улиралд “Барса” босоо байсан. 

2012 оны зун Пеп багаа орхин нэг жилийн чөлөө авсан билээ. Чөлөөт агент болсон Гуардиолад хамгийн сайхан саналыг “Бавария” тавьсан юм. Бундеслигт очоод Гуардиола анхны улирлаа л ялалтаар өндөрлүүлсэн. Мөнхийн өрсөлдөгч “Боруссия”-гаас 19 оноогоор тасарсан аж. Анхны ялагдлаа 29 дэх тойрогт хүлээсэн билээ. Гуардиолагийн дасгалжуулсан “Бавария” гурван жил дараалан аварга болсон. 

Англид очсон анхны улирлаа Гуардиола багаа аварга болгож чадаагүй. Харин энэ улиралд “Манчестер Сити” Премьер лигийн аварга болж, Гуардиола долоо дахь удаагаа аварга багийн дасгалжуулагчаар тодров. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
М.Энхболдыг огцруулах шаардлагатай юу?
  • Тийм
  • Үгүй
  • Мэдэхгүй