Монголчууд үндэсний хоккейн лигтэй болно
2018 оны 4 сарын 16
Энэ сарын 03-08-ны өдрүүдэд Филиппины нийслэл Манила хотод IIHF Challenge Cup of Asia тэмцээн болж, шигшээ тоглолтод манай Монголын баг Тайландын шигшээг бут ниргэсэн билээ. Азийн цомын тэмцээний аварга болсон баг тамирчдыг Монгол Улсын Ерөнхийлөгч Х.Баттулга хүлээж авч уулзаад баяр хүргэсэн юм. Уулзалтын үеэр Х.Баттулга үндэсний хоккейн лигтэй болох саналыг дэмжсэн бөгөөд битүү мөсөн талбай барьж байгуулах ажлыг эрчимжүүлэхээ амласан. 

Дээрх тэмцээнд оролцсон найман жилийн хугацаанд Монголын шайбтай хоккейн шигшээ баг дөрвөн хүрэл, нэг мөнгөн медаль хүртэж байв. Тэгвэл энэ жил манай баг аваргын алтан медалийг хүртэж, Дэлхийн аварга шалгаруулах тэмцээнд оролцох эрхээ авсан байна. Түүнчлэн БНЧУ-ын дэмжлэгтэйгээр өвлийн спортын ордон барих төсөл хэрэгжихээр болжээ. Ингэснээр тамирчид бүтэн жилийн туршид бэлтгэлээ хийх боломжтой болно. Монгол Улсад суугаа БНЧУ-ын Элчин сайд Иржи Бродски Монгол Улсад өвлийн спортын шинэ ордон барьж байгуулах ажлыг дэмжиж, туслана гэдгээ мэдэгджээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
ЗГ-ын гишүүн ХЗДХ-ийн сайд Ц.Нямдорж, Сангийн сайд Ч.Хүрэлбаатар нарыг огцруулах нь зөв үү?
  • Зөв
  • Буруу
  • Мэдэхгүй