Улсын начин Б.Одхүү УИХ-ын гишүүн, Дархан аварга А.Сүхбатыг бүлэглэн зоджээ
2018 оны 4 сарын 16
УИХ-ын гишүүн Б.Бат-Эрдэнийн хувийн бие хамгаалагч гэх Улсын начин Б.Одхүү УИХ-ын гишүүн, Дархан аварга А.Сүхбатыг бүлэглэн зодож гэмтээсэн хэрэг гарсан талаар хэвлэлүүд мэдээлж байна. Тодруулбал, өнгөрсөн амралтын өдөр Бөхийн өргөөний гадна үүссэн асуудлын дараа цагдаагийн байгууллагаас Бөхийн өргөөг хамгаалалтад авч хэнийг ч дотогш нэвтрүүлээгүй. 

Гэтэл УИХ-ын гишүүн, Дархан аварга А.Сүхбатыг Бөхийн өргөөн дотор цоожтой өрөөнд сууж байхад нь Улсын начин Б.Одхүү 10 гаруй залуусын хамт өрөөг цөм өшиглөн орж, УИХ-ын гишүүн А.Сүхбатын биед халдаж, бүлэглэн халдсан гэнэ. Түүгээр ч үл барам халдсаныхаа дараа Бөхийн өргөөнөөс чирч гулдчиж гаргажээ. Тиймээс УИХ-ын гишүүн А.Сүхбат шүүх эмнэлэгт хандаж, гэмтлийн зэргээ тогтоолгохоор болсон байна. Харин уг асуудлыг Баянзүрх дүүргийн цагдаагийн хоёрдугаар хэлтэст шалгаж эхэлсэн бололтой.

Хэрвээ цагдаагийн хамгаалалттай Бөхийн өргөө рүү цагдаагийн албан хаагч нар Б.Одхүүг арав гаруй залуусын хамт оруулаагүй бол УИХ-ын гишүүн өнөөдөр зодуулах байдалд орохгүй байсан хэмээн хүмүүс ярьж байна. Гэвч хамгаалалттай газар руу Б.Одхүүг оруулсан нь УИХ-ын гишүүний биед халдах боломжийг бүрдүүлж өгсөн явдал болсон аж.

Улсын начин Б.Одхүү өмнө нь өөрөөсөө олон насаар ах Улсын заан Ц.Баярсайханыг хүнд гэмтээн таван жилийн ял сонссон ч давж заалдах шатны шүүхээс хэргээ буцаалган, улмаар прокурорын байгууллагаас хэрэгсэхгүй болгож, ялгүй өнгөрч байсан. Мөн Улсын харцага Г.Ганхуягийг ч бүлэглэн зодсон хэрэгт холбогдож байв.


Эх сурвалж: Medee.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна