Хятадууд Монголын төмөр замыг барина
2018 оны 4 сарын 16
Aspire Mining компанийн төлөвлөж буй томоохон төсөл Монголын төмөр зам, коксжих нүүрсний Овоот ордтой холбоотой. Энэ төсөл аажмаар хэрэгжээд эхэлжээ. Тус компани Хятадын томоохон компани болох Gezhouba Group International Engineering Co (CGGC)-тэй харилцан ойлголцлын санамж бичигт гарын үсэг зуралцжээ. Энэ санамж бичгээр бол хоёр компани хамтын ажиллагаагаа үргэлжлүүлж, Овоотын ордоос зүүн тийшээ Эрдэнэт хот хүртэлх 550 км урттай төмөр замын ажлын техник, эдийн засгийн үндэслэлийг хийж дуусгана. Хятадын компанийн 40 хувийг БНХАУ-ын төр эзэмшдэг билээ. Ийнхүү тус төсөл Оросын талын сонирхлыг ч татаж эхлээд байна. 

Өнгөрсөн сард Оросын тал Aspire Mining компанитай Овоотын ордоос баруун тийшээ Монгол-Оросын хил дээрх Арц-Суурь суурин хүртэл төмөр зам барих ажлыг судлах гэрээнд гарын үсэг зурсан билээ. Энэ төмөр зам цаашлаад Тувагийн нийслэл Кизил хоттой холбогдоно. Оросын тал зөвшөөрсөн тохиолдолд энэ ажил хэрэгжиж дуусах юм. Хэрэв ажил нааштай болвол ирэх оны хавар гэхэд төмөр замын ажил эхлэхээр болжээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
ЗГ-ын гишүүн ХЗДХ-ийн сайд Ц.Нямдорж, Сангийн сайд Ч.Хүрэлбаатар нарыг огцруулах нь зөв үү?
  • Зөв
  • Буруу
  • Мэдэхгүй