Контрбанд хийж явсан Монголын хөлөг онгоц саатуулагджээ
2018 оны 4 сарын 16
Филиппинд Монголын далбаа бүхий ачааны хөлөг онгоц саатуулагдсан гэдгийг Maritime Bulletin – Maritime and Crimean Shipping News агентлаг мэдээлэв. Уржигдар Филиппины Минданао арлын баруун өмнөд хэсэгт орших Замбоанга орчмын усанд тус улсын тэнгисийн цэргийн хүчнийхэн “DIAMOND 8” гэдэг нэртэй ачааны хөлөг онгоцыг саатуулсан байна. 

Энэ хөлөг онгоц Вьетнамаас тус улс руу хууль бусаар 20 мянга гаруй шуудай буюу 1359 тонн цагаан будааг оруулсан сурагтай. Саатуулагдсан хөлөг онгоцны багийн бүрэлдэхүүнд Бангладеш, БНХАУ-ын иргэд байгаа юм. Мөн усан онгоцон дээр Филиппины 34 иргэн, харьяалал нь тодорхойгүй 17 хүн зорчиж явсан гэнэ. Тэнгисийн цэргийн хүчнийхний сэжгийг уг ачааны хөлөг онгоцны эвгүй явдал төрүүлсэн байна. 

Уг хөлөг онгоцыг 1992 онд бүтээсэн агаад Хонконгийн CIRCLE OCEAN INTERNATIONAL компанийн мэдэлд байдаг юм. Тэд Монголын төрийн далбаатайгаар далайд гардаг аж. Өдгөө Монгол Улсын төрийн далбааг намируулан дэлхийн далай, тэнгист 2500 гаруй хөлөг онгоц хөвж яваа бөгөөд тэдний тоо сар бүр 10-аар нэмэгддэг байна. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Багш нарын ажил хаялтыг та дэмжиж байна уу?
  • Дэмжиж байна
  • Эсэргүүцэж байна
  • Мэдэхгүй