Зээл авах оюутан эссегээ сайн бичих хэрэгтэй
2018 оны 4 сарын 24
Хэрэв таны ЭЕШ-ын оноо 600, бакалаврын голч дүн 2.8 бол оюутны хөгжлийн зээлд хамрагдах боломжтой. БСШУЯ-ны Боловсролын зээлийн сангаас хэрэгжүүлж буй оюутны хөгжлийн зээлийг тавдугаар сарын нэгнээс олгож эхлэх юм.

Өнгөрсөн хугацаанд 90 тэрбум төгрөгийн зээлийн эх үүсвэр байсан ч таван тэрбумыг л арилжааны банкнаас олгожээ. Энэ нь арилжааны банкны шаардлага хэт өндөр байсантай холбоотой. Энэ жил тус зээлийн санд 75 тэрбум төгрөг төсөвлөгдсөн. Энэ нь 35-37 мянган оюутанд зээл олгох боломжтой гэсэн үг. 

Оюутны хөгжлийн зээл нь хүүгүй, урт хугацаатай, хамтран зээлдэгч шаардахгүй болсноороо бүх шатны суралцагчдад боломж олгоно. Зээлийг жилд хоёр удаа 4-6 жилийн хугацаатай өгөх бөгөөд сургуулиа төгсөөд зургаан жилийн дотор хуваан төлөх боломжтойгоороо онцлог аж.

ОЮУТНЫ ХӨГЖЛИЙН ЗЭЭЛИЙГ ХЭН АВАХ БОЛОМЖТОЙ ВЭ?

Тавигдах шаардлага:
Элсэгч нь ЭЕШ-ын оноо 600 ба түүнээс дээш байх
Оюутан голч нь 2.8 ба түүнээс сайн байх
Магистрант, докторант ын голч 3.2 ба түүнээс их байх
Улиралд 10 ба түүнээс дээш багц цаг судлах
Магадлан итгэмжлэгдсэн их дээд сургуулийн суралцагч байх
Өдрийн ангийн суралцагч байх
Бүрдүүлэх материал

Ирээдүйн зорилгоо тодорхойлох эссэ
Иргэний үнэмлэхний хуулбар
ЭЕШ-ын онооны хуудасны хуулбар
Сургуульд зохих журмын дагуу элссэнийг нотлох баримт
Сургуулийн тодорхойлолт
Төлбөрийн нэхэмжлэх
Тухайн сургуулийн улиралд сонгох хичээлийн баталгаажсан жагсаалт
Хүсэлт хүлээн авах хугацаа:

2018 оны тавдугаар сарын нэгний өдрөөс харьяа сургуулийн сургалтын албанд хүлээн авна. Ингэхдээ төлбөрийн үлдэгдэлтэй оюутнууд 2017 оны намрын хичээлийн жилийн голч дүнгээр материал бүрдүүлэх боломжтой. 2018-2019 оны хичээлийн жилийн зээлийн материалыг намар хүлээн авна.

БОЛОВСРОЛЫН ЗЭЭЛИЙН САНГИЙН МЭРГЭЖИЛТЭН Т. САРАНЗАЯА: 
Оюутнуудад хамгийн түрүүнд тулгамддаг асуудал бол сургалтын төлбөр юм. Боловсролын сангаас олгох оюутны хөгжлийн зээл энэ асуудлыг амархан шийднэ. Та сурч л чадаж байвал төлбөрийн дарамтгүй дотооддоо шилдэг их дээд сургуульд суралцах боломжтой.

Суралцагч нь магадлан итгэмжлэгдсэн их сургуульд сурдаг л бол оюутны хөгжлийн зээлд хамрагдах болно. Энэ нь хөдөө орон нутгийн их сургуулийн салбарт ч хамаатай. Гэхдээ сургууль бүрт квот тогтоосон. Оюутанд тавих ерөнхий шаардлага маш энгийн болсон учраас олон оюутан материалаа ирүүлнэ байх. Тухайн сургуульд 2.8-аас дээш голчтой 5500 оюутан байгаа гэвэл улсын төсвөөс тавьж буй санхүүжилт бүх хүүхдүүдэд хүрэлцэхгүй тул бүгдийг нь хамруулж чадахгүй. Тиймээс таныг илэрхийлэх зүйл бол “ирээдүйгээ тодорхойлсон” эссэ юм.

Үүнд их ач холбогдол өгч байгаа. Та ирээдүйд ямар хүн болж төлөвших вэ, улс эх орондоо ямар ажлыг хийх вэ, зорилгоо тодорхойлж энэ зээлийг авснаараа ямар боломжууд нээгдэх талаар тодорхой, сайн бичих хэрэгтэй. Мөн таны сонгосон сургууль заавал магадлан итгэмжлэгдсэн сургууль байх ёстой. Бакалавр магистрын суралцагч өдрийн анги байх хэрэгтэй. Бүх хүүхдийн голч, оноо хангалттай хүрэх учраас та өөрийгөө илэрхийлж ирээдүйгээ тодорхойлсон эссэгээ сайн бичээрэй.

Та хэддүгээр курс байсан ч тус зээлд хамрагдах болно.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй