Жирэмслэхийг хүссэн эмэгтэйчүүд түргэн хоолноос татгалзвал дээр
2018 оны 5 сарын 8
Аделаидагийн их сургуулийн судлаачдын явуулсан судалгаагаар түргэн хоолны газар тогтмол хооллодог эмэгтэйчүүд жирийн хоол иддэг хүүхнүүдийг бодвол жирэмслэх магадлал нь хамаагүй бага байдаг нь тодорхой болжээ. Хэтэрхий илчлэг ихтэй хоол хүнс идэх нь үр тогтох магадлалд нөлөөлдөг болох нь илрэв. 

Судлаачид Австрали, Шинэ Зеланд, Ирландын 5628 эмэгтэйн мэдээлэлд дүн шинжилгээ хийжээ. Судалгаанд оролцсон эмэгтэйчүүдийн 39 хувь нь хүүхэдтэй болохоор шийдсэнээсээ хойш сарын дараа бие давхар болсон гэнэ. Харин найман хувь нь хүүхэдтэй болохын тулд жилээс илүү хугацааг зарцуулжээ. 

Мэргэжилтнүүд судалгаанд оролцсон эмэгтэйчүүдийн хоол ундыг судласан байна. Тэгтэл долоо хоногт дөрвөөс доошгүй удаа түргэн хоолны газар ордог байсан хүүхнүүд бусдыгаа бодвол жирэмслэх нь тун бага байсан аж. Ирээдүйн эхчүүдэд гамбургер, шарсан төмс, пицца, шарсан тахиа зэрэг хоолнууд хор нөлөөтэй болох нь тогтоогджээ. Амархан жирэмслэхийг бодож байвал жимс, ногоог хоолондоо ихээр хэрэглэх хэрэгтэйг эмч нар зөвлөв. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Бөхийн өргөөг төрийн мэдэлд авах нь зөв үү?
  • Зөв
  • Буруу