Ерөнхийлөгч зургаан Элчин сайдаас хоёрыг нь дэмжсэнгүй
2018 оны 5 сарын 10
Монгол Улсын Ерөнхийлөгч Х.Баттулга өнөөдөр Монгол Улсын Их хурлын дарга М.Энхболдод Элчин сайдыг эгүүлэн татах, томилох асуудлаар зөвшилцөх тухай саналаа хүргүүлсэн байна. 

Монгол Улсын Ерөнхийлөгч Х.Баттулгын зөвшилцөх саналд:
  1. Монгол Улсаас Шведийн Вант Улсад суугаа Онц бөгөөд Бүрэн эрхт Элчин сайд Мэндсайханы Энхсайханыг эгүүлэн татаж, Шведийн Вант Улсад суух Онц бөгөөд Бүрэн эрхт Элчин сайдаар Очирын Энхцэцэгийг томилох,
  2. Их Британи, Умард Ирландын Нэгдсэн Вант Улсад суугаа Онц бөгөөд Бүрэн эрхт Элчин сайд Санжаагийн Баярыг эгүүлэн татаж, Их Британи, Умард Ирландын Нэгдсэн Вант Улсад суух Онц бөгөөд Бүрэн эрхт Элчин сайдаар Нархүүгийн Тулгыг томилох,
  3. Япон Улсад суух Онц бөгөөд Бүрэн эрхт Элчин сайдаар Дамбадаржаагийн Батжаргал,
  4. Канад Улсад суух Онц бөгөөд Бүрэн эрхт Элчин сайдаар Ядмаагийн Ариунболд нарыг тус тус томилох асуудлыг зөвшилцөхөөр саналд тусгасан байна.  
Ерөнхийлөгч өмнө нь Г.Тэнгэр, Н.Чимгүүндарь нарыг Элчин сайдаар томилох асуудлыг дэмжээгүй тул АТГ-д холбогдох материалыг нь хянуулаагүй ажээ. Засгийн газраас энэ удаа Г.Тэнгэрийг Австралийн Холбооны Улсад суух Онц бөгөөд Бүрэн эрхт Элчин сайдаар, Н.Чимгүүндарийг Тайландын Вант Улсад суух Онц бөгөөд Бүрэн эрхт Элчин сайдаар тус тус томилуулах саналаа Ерөнхийлөгчид хүргүүлээд байв.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна