Эбола хүний амь авч одов
2018 оны 5 сарын 11
Бүгд Найрамдах Ардчилсан Конго Улсын баруун хойд нутагт нэг хүн Эбола вирүсийн үүдэлтэй шинэ өвчний улмаас таалал төгсжээ. Одоогоор тус улсад уг нянгаар халдварласан 11 хүн байгаа аж. Хамгийн харамсалтай нь, өвчилсөн хүмүүсийн гурав нь эмнэлгийн ажилтнууд гэнэ. 

Энэ сарын 08-ны өдөр Дэлхийн Эрүүл мэндийн байгууллага тус улсад уг нянгаар халдварладаг өвчний шинэ дэгдэлт үүссэн тухай мэдээлсэн билээ. Зөвхөн сүүлийн таван долоо хоногийн хугацаанд тус улсын Бикоро хэмээх сууринд уг өвчний 21 тохиолдол тэмдэглэгдсэний 17 нь үхлээр төгсжээ. Эбола бол орчин үеийн хамгийн аюултай өвчнүүдийн нэг юм. 

Энэ өвчнийг туссан хүн өндөр халуурч, тамирдаж, дотор муухайрч, татваганаж, цус алдаж, тэр тусмаа дотуур цус алдалтыг мэдэрдэг юм. Эбола вирүсээр халдварласан хүмүүсийн 80 гаруй хувь нь нас бардаг юм. Анх энэ вирүс 1976 онд тухайн үеийн Заир улс буюу одоогийн Конго улсад бүртгэгдсэн билээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Бөхийн өргөөг төрийн мэдэлд авах нь зөв үү?
  • Зөв
  • Буруу