Салах: Би ”Чэлси”-гийн буруу байсныг батлахыг хүссэн
2018 оны 5 сарын 12
"Ливерпүүл" багийн од Мухамед Салах "Чэлси"-д байсан цагаас нь эхлэн түүнийг шүүмжилж, гоочилж ирсэн хүмүүсийн бурууг батлах гэсэн хүсэл нь энэ улиралд ийм амжилт үзүүлэх хэмжээнд эрчилж байсан гэдгийг өгүүлэв. Багаа Аваргуудын лигийн финалын шат хүртэл авч ирж чадсан египт тоглож эр энэ улиралд 43 гоол оруулаад байгаа. 25 настай Салах Хөлбөмбөгийн чиглэлээр бичдэг сэтгүүлчдийн холбооны нэрэмжит оны шагналыг хүртсэний дээр шилдэг тоглогчийн хэд хэдэн шагналыг хүртээд байгаа. 

Тэрбээр 2014 онд "Чэлси"-д амжилтгүй тоглож Итали руу явснаасаа хойш Англид буцаж очиж хүмүүсийн буруу байсныг батлахыг өдөр бүр хүсдэг байсан гэнэ. "Дөрвөн жилийн өмнө хүмүүс намайг амжилт гаргахгүй, Премьер лигт тоглож чадахгүй. Энд тоглох нь надад маш хэцүү байх болно гэж хэлж байсан. Тэгээд би буцаж ирэх талаар үргэлж бодох болсон. "Чэлси"-г орхисон эхний өдрөөс л би тэдний буруу байсан гэдгийг батлахыг хүсэж байлаа. Харин одоо би баталж чадсан" хэмээжээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй