Гишүүд ажилдаа ирж, явахдаа ”хуруугаа уншуулна”
2018 оны 5 сарын 12
Хуулийн төсөлд хууль тогтоох үйл ажиллагааг боловсронгуй болгох, тасралтгүй, түргэн шуурхай, үр дүнтэй явуулах чуулганы хуралдааны Дэгийн тухай хуулийн зарим зүйл, заалтыг илүү тодруулж утга агуулгыг шинэчлэхээр Дэгийн тухай хуульд нэмэлт, өөрчлөлт оруулах тухай хуулийн төсөлд санал авахаар Засгийн газарт хандсан байна.

Тухайлбал, чуулганы хуралдааны нийт цагийн гуравны нэгээс илүүд нь суугаагүй, хуралдаа ирдэггүй гишүүнийг эргүүлэн татаж, бүрэн эрхийг нь дуусгавар болгох, гишүүд бүрэн эрхээ хэрэгжүүлэхдээ бусдыг илтэд санаатайгаар гүтгэн доромжлохыг хориглож, хуралдааны дэг зөрчсөөр байвал хуралдаанаас хөөж танхимаас гаргах зэрэг хариуцлагын зохицуулалтыг нэмсэн аж.

Хамгийн сонирхолтой нь гишүүд төрийн албан хаагчийн адилаар хурууны хээгээр цагаа бүртгүүлж ирцэд ордог, саналаа өгдөг байхаар зохицуулжээ. Энэ нь нөгөө талаар бусдын өмнөөс товчлуур дарж санал өгөх асуудлыг цэгцлэхэд чиглэгдэж буй юм. УИХ-ын гишүүн хуралдааны ирцэд бүртгүүлэх, асуулт асуух, үг хэлэх, цахим тоолуураар санал өгөхөд зөвхөн цахим карт ашиглах, цахим картаа зөвхөн өөрөө эзэмших бөгөөд бусдад шилжүүлэхийг хориглох зэрэг олон содон, сонирхолтой, үр дүн үзүүлэхүйц нэмэлт өөрчлөлтүүдийг оруулжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй