МАХН-ынхан О.Баасанхүүг гишүүний суудлаас нь ховхолно
2018 оны 5 сарын 15
УИХ-ын гишүүн О.Баасанхүү шүүх танхимд танхайрч, бусдыг доромжилсон учир эгүүлэн татуулах хүртэл явна гэв. МАХН-аас цаг үеийн асуудлаар мэдээлэл хийлээ. Мэдээллийн эхэнд МАХН-ын дэд дарга Ц.Оюунбаатар “Улсын дээд шүүх намын дүрмийг бүртгэхдээ Үндсэн хуульд нийцэж байгаа эсэхийг нь л хянадаг. Гэтэл МАХН Үндсэн хууль нийцүүлээд намын дүрмийн өөрчлөлтөө бүртгүүлэхээр хоёр дахь удаа ийнхүү хүсэлт гаргахад Улсын дээд шүүх Үндсэн хууль зөрчөөгүй гэж үзчихээд дүрмийн өөрчлөлтийг бүртгэсэнгүй. Түүнчлэн шүүх хуралдааны танхимд О.Баасанхүүг оруулж, маргаан  үүсгэсэн. Шүүхийн өөрийнх нь үйл ажиллагаанд О.Баасанхүү гишүүн хүндрэл үзүүлж, саад учруулсан. Улсын бүртгэлийн байгууллага бол Дээд шүүхэд харъяалагдаж, намын бүртгэлийг хэдэн ч удаа бүртгүүлсэн хаах эрхгүй байдаг. Бид цаашид ч дахин намын дүрмээ бүртгүүлэх болно. Хэрвээ хүлээж авч бүртгэхгүй бол Улсын дээд шүүгчид хандана” гэв.

Мөн МАХН-ын гишүүн н.Уламбаяр “Би өчигдрийн шүүх хуралдаанд итгэмжлэгдсэн төлөөлөгчөөр оролцсон. Миний бие О.Баасанхүү гишүүний биед халдсан зүйл байхгүй. Цахим орчинд өчигдөр ийм мэдээлэл явсан. Гэхдээ бодит байдал дээр О.Баасанхүү гишүүн өөрөө Шүүх хуралдааны танхимд салаавч гаргаж, хүмүүс рүү дайрч доромжилсон. Энэ асуудлаар нь би Чингэлтэй дүүргийн цагдаагийн нэгдүгээр хэлтэст гомдол гаргасан. Түүний энэ үйлдэл Шүүн таслах үйл ажиллагаанд саад болсон гэмт хэрэг. УИХ-ын гишүүн гэмт хэрэг хийж, нотлох баримт нь байвал УИХ-ын гишүүнээс эгүүлэн татах хууль зүйн үндэслэлтэй. Миний бие О.Баасанхүү гишүүнийг УИХ-ын гишүүнээс нь эгүүлэн татах хүртэл хөөцөлдөж явах болно. О.Баасанхүү гишүүн шүүх хуралдааны танхимд “Н.Энхбаярын томилсон шүүгч, Лүндэндоржийн томилсон шүүгч, захиалгат шийдвэр гаргах гэж байна хэмээн орилсон. Шүүх үйл ажиллагааг тасалдуулж бусдыг доромжилж, зодох гэж дайрсан. О.Баасанхүүг зодсон ямар ч тохиолдол байхгүй гэдгийг хэлье. О.Баасанхүүг танхайрсныг харсан гэрчтэй. Монгол Улсын дээд шүүхийн шүүгч Цолмон, Алтанчимэг, Алтанцоож гэсэн гурван шүүгч харж байсан, гэрчилнэ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй