МАН-ын бүлэг Тавантолгойг хөдөлгөх төслийг дэмжив
2018 оны 5 сарын 28
УИХ дахь МАН-ын бүлэг өнөөдөр /2018.05.28/ хуралдсан ч сэтгүүлчдэд мэдээлэл хийсэнгүй. Тус намын бүлгээр Засгийн газраас санал оруулсан Тавантолгой төслийг хэлэлцэж, дэмжихээр болсон байна. Намын бүлэг өнгөрсөн долоо хоногийн даваа гаригт хуралдаж, Засгийн газраас оруулж ирсэн Тавантолгойг хөдөлгөх төслийг хэлэлцсэн ч тодорхой шийдэлд хүрэлгүй, дахин хуралдахаар болсон юм.

Харин өнөөдрийн МАН-ын бүлгийн хуралдаанаар Тавантолгой төслийг хөдөлгөх нь зүйтэй гэж хуралдаанд оролцсон гишүүдийн олонх дэмжсэн байна. Мөн Засгийн газраас Тавантолгой төслийн 30 хувьд IPO гаргаж, нийтдээ 4,7 тэрбум ам.доллар босгох замаар төслөө хөдөлгөх боломжтой гэсэн хувилбарыг бүлэгт танилцуулсан.

IPO гаргасны дараа авто зам, төмөр зам, баяжуулах үйлдвэр, цахилгаан станц, нүүрс химийн үйлдвэр барих бүрэн боломжтой гэж танилцуулга төсөлдөө тусгасан байсан юм. Ерөнхий сайдын зүгээс Тавантолгой төслийг цогцоор нь хөдөлгөхийн туд эрх баригч намын бүлгээр хэлэлцүүлж, дэмжүүлэх ёстой гэдгийг хэлж байсан бөгөөд ийнхүү бүлэг дэмжихээр болж байна. Ингэхдээ Засгийн газар судалгаа, тооцоо, хийх ажил зэргээ сайн хийх ёстой гэдгийг бүлгийн гишүүд анхааруулжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй