Нийслэлийн МАН-ын Бага хурал хойшилжээ
2018 оны 6 сарын 4
Нийслэлийн МАН-ын 34 дүгээр Бага хурал нөгөөдөр болох товтой байсан ч хойшлогдож энэ сарын 10-нд болохоор болжээ. Хурлаар тус намын хорооны хяналтын хорооны тайлан, нийслэлийн МАН-ын даргын асуудлыг хэлэлцэх юм. Нийслэлийн МАН-ын сонгуульд Сонгинохайрхан дүүргийн МАН-ын хорооны дарга Д.Сумъяабазар, нийслэлийн МАН-ын хорооны даргын үүрэг гүйцэтгэгч С.Батболд нар өрсөлдөнө гэсэн таамаг байгаа. 
Нийслэлийн МАН-ын хорооны Бага хурал болох гэж байгаатай холбогдуулан Баянзүрх, Налайх, Сонгинохайрхан дүүргийн намын хорооныхон өнгөрсөн баасан гарагт намынхаа ерөнхий нарийн бичгийн дарга Д.Амарбаясгалантай уулзсан байна.  Тэдний хувьд нийслэлийн МАН-ын Бага хуралд квотоор төлөөлөл орохыг эсэргүүцэж байгаа. Хэрэв намын гишүүдийн тоотой харьцуулсан төлөөлөл бус квотоор төлөөлөгч оруулбал намын олон мянган гишүүний хүсэл зоригийг илэрхийлсэн шийдвэр гарахгүй гэж үзэж байгаа юм. Ингэхдээ МАН-ын дүрмийн 11 дүгээр зүйлийн 11.2 дахь хэсэгт заасан “Аймаг, нийслэлийн намын Бага хурал нь намын анхан шатны байгууллагаас сонгосон төлөөлөгчөөс бүрдэнэ” гэсэн заалтыг үндэслэл болгож байгаа юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй