Сормуусны будгаа арилгадаггүйгээсээ болж сохрох дөхжээ
2018 оны 6 сарын 6
20 гаруй жилийн турш сормуусны будгаа арилгалгүй унтдаг байсан муу зуршлаасаа болж сохрох шахсан нэгэн эмэгтэй бүсгүйчүүдэд анхааруулга хүргэжээ. Сиднэйн оршин суугч 50 настай Тереза Линч гэдэг энэ эмэгтэй зовхи нь маш ихээр хөндүүрлэж зовиурлах болсон байна. Тэрээр хичнээн нүдний дусаалга, тос хэрэглээд нэмэр болоогүй тул нарийн мэргэжлийн эмчид хандахад хүрчээ. Эмч түүний зовхины дотор талд үүссэн зүйлийг харуулахад Линч ухаан алдах дөхсөн гэнэ. Учир нь сормуусны будагных нь үлдэгдлүүд бүсгүйн зовхины арьсан дор бөөгнөрч, маш гүн, олон давхар хар толбо үүсгэсэн байжээ. 

Азаар эмч нар түүнд мэс засал хийж тэрхүү бохирдлыг цэвэрлэснээр энэ эмэгтэй сохрох аюулаас холуур өнгөрсөн байна. 
"Надад маш түвэгтэй байдаг байсан. Зовхи маань хүнд оргиж, аргаад, даагдахгүй болчихсон мэт мэдрэгддэг байлаа" хэмээн Линч ярьжээ. 

Түүний нүдийг үзсэн эмч өөрөө ч ухаан алдах дөхсөн бөгөөд хүний зовхины дотор талд ингэж чулуужсан хар толбонууд үүссэн байхыг амьдралдаа харж байгаагүй гэжээ. Ийнхүү нүүрний будгаа огт арилгаж унтдаггүй муу зуршлаасаа болж балрах дөхсөн эмэгтэй бусад бүсгүйчүүдэд анхааруулга болгож өөрийн зургаа харуулсан бөгөөд "Ганц ч өдөр нүүрний будгаа арилгалгүй унтаж болохгүй шүү. Өөрийнхөө төлөө залхуурч болохгүй шүү" хэмээн аминчлан захижээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Та ”Хүүхдийн мөнгө”-ийг бүх хүүхдэд өгөхийг дэмжиж байна уу?
  • Бүх хүүхдэд ялгахгүй өгөх хэрэгтэй
  • Шаардлагатай байгаа хүүхдүүдэд л өгөх нь зөв.
  • Авах хүсэлт гаргасан гэр бүлүүдэд өгөх хэрэгтэй