Ким Чен Ун, Дональд Трамп нарын уулзалтыг 20 сая доллараар хийнэ
2018 оны 6 сарын 11
Умард Солонгос, АНУ-ын удирдагчид уулзахад ганцхан хоног үлдээд байна. Хоёр удирдагч хоёулаа Сингапурт очоод байгаа билээ. Энэ түүхэн уулзалтыг хийх зам дардан байсангүй. Хоёулаа л нэгнийгээ цөмийн зэвсгээр айлгасан бөгөөд Трамп арай дээрэнгүй загнаж байсан юм. Харин Ким Чен Ун арай буурь суурьтай ухаалаг загнаж байсан. Тэгэхээр уулзалтын өмнө сэтгэл санааны давуу байдал түүний талд байж мэднэ. Дээр нь Хойд Солонгосын төрийн тэргүүн өөрийн байр сууриа Хятад болон Оростой ярьж зөвшилцсөн. Ким Чен Ун удахгүй Владимир Путинтэй уулзахаар тохироод байгаа. 

Харин Дональд өөрийн холбоотнуудтай муудалцаад амжсан. Сингапурт тэрбээр Канадын Квебек мужаас ирсэн. Тэнд хоёр хоногийн өмнө Их долоогийн хамгийн шившигтэй уулзалт болсон билээ. Трамп Европын холбоотой худалдааны дайн зарлаад буй. Хятадтай ойлголцохгүй байгаа бол Оростой харилцаа нь бүр ч муудаад байгаа. 

Ким Чен Ун Сингапурт Хятадын агаарын тээврийн онгоцоор иржээ. Эхлээд түүний хувийн онгоц Сингапурт газардсан боловч дотор нь Ким байгаагүй юм. Тэрбээр хуягласан Мерседес Бенз машинаар зорчиж байгаа аж. Сингапурын ард иргэд шилэнд нь тень наасан машинтай хөдөлгөөнд оролцох эрхгүй боловч Ким Чен Унд үүнийг зөвшөөрчээ. Уулзалтыг зохион байгуулахад Сингапур улс 20 сая доллар зарцуулаад буй гэнэ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй