Дэлхийн хамгийн халуухан эмээ кикбоксоор хичээллэж, ботокс тариулдаг
2018 оны 6 сарын 11
Кэрри Хилтон инстаграм дээр нэлээн илэн далангуй хувцастай гэрэл зургуудаа тогтмол байршуулдаг нэгэн. Английн Болтон хотод амьдран суудаг 36 настай Кэрри Хилтон худалдааны менежерээр ажилладаг бөгөөд кикбоксоор хичээллэдэг юм. 

Гэхдээ Кэрригийн алдартай болсон гол учир шалтгаан үүнд оршдоггүй. Хүмүүс энэ эмэгтэйг Их Британийн хамгийн донжлог эмээ хэмээн нэрлэдэг аж. Харин Кэрри энэ хэргэмийг хүлээн зөвшөөрдөггүй. Тэрээр “Би бол энэ дэлхийн хамгийн халуухан эмээ. Надад өрсөлдөгч байхгүй шүү” хэмээн даналздаг юм. 

Кэрри Хилтон 18 насандаа ээж болсон бөгөөд энэ оны нэгдүгээр сард түүний 17 настай охин Клариса түүнд Жессика нэртэй зээ охиныг төрүүлж өгсөн билээ. Залуухан эмээ үүнээс эрч хүч аваад пластик мэс ажилбар хийлгэжээ. Холливудын инээмсэглэл сацруулахын тулд нэмж 18 мянган фунт стерлинг зарцуулав. 

Кэрри кикбоксын хар бүстэй бөгөөд олон улсын тэмцээнээс зургаан удаа мөнгөн медаль авчээ. Тэрээр долоо хоногт дор хаяж таван удаа бэлтгэл, сургуулилт хийдэг байна. Инстаграм дээр түүний амьдралыг 17 мянган дагагч нь сонирхон үздэг аж. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна