Питбулл нохой гэрийн эздээ галаас аврав (бичлэгтэй)
2018 оны 6 сарын 13
Нэгэн питбулл нохой гэрийнхээ эздийг галын аюулаас аварч, тэр дундаа долоон сартай бяцхан эзнээ аврахын тулд манцуйнаас нь чирснээр баатар болжээ. Калифорнийн оршин суугч Нана Чайчандагийн Саша нэртэй найман сартай питбулл нохой нь шөнө дундын алдад унтаж байсан эздээ сэрээхийн тулд үүдэн дээр чангаар хуцаж эхэлсэн байна. Гэрийн эзэгтэй Нана нохой нь яагаад хуцаад байгааг мэдэхийн тулд очиж хаалгаа онгойлгоод үеэлийнд нь гал гарч байгааг харжээ. Харин түүнийг хаалга онгойлгомогц нохой нь долоон сартай Масайла охиных нь өрөө рүү хар эрчээрээ гүйж одсон гэнэ. "Тэр аль хэзээний охины минь өрөөнд орчихсон манцуйнаас нь зуугаад чирж байсан" хэмээн Чайчандаа ярьсан юм. Түүний энэ үйлдэлд бүсгүй тийм ч цочирдоогүй гэнэ. Учир нь Саша нохой охинтой нь маш ойр байдаг бөгөөд хамтдаа усанд хүртэл ордог гэнэ. 

Гал гарахад тэдний үеэл гэртээ байгаагүй бөгөөд питбуллын баатарлаг үйлийн ачаар энэхүү ослоос болж хэн нэгэн гэмтээгүй байна. Гэрийн эзэд нохойгоо гадаа хонуулдаггүй хэдий ч тэр өдөр нохой нь гадаа байж таарсан нь тохиолдлын хэрэг биш байсан гэж тэд үзжээ. "Би түүнд маш их өртэй боллоо. Хэрвээ Саша байгаагүй бол энэ хэрэг явдал эмгэнэлтэйгээр төгсөх байсан биз" хэмээн Нана ярьсан байна. Чайчандагийн гэр энэхүү галд өртсөн бөгөөд өдгөө амьдрах боломжгүй болсон гэнэ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй