Мелания Трамп доромж үгтэй цув өмсжээ
2018 оны 6 сарын 23
Гадаад үзэмжээсээ болж Мелания Трамп ээлжит шуугианыг дэгдээсэн сурагтай. Хэд хоногийн өмнө АНУ-ын Тэргүүн хатагтай хууль бус цагаачдын хүүхдүүдийг асрамжилдаг нэгэн төвд зочилсон аж. Тэр үеэр Мелания "Надад үнэхээр хамаа алга. Харин танд?" гэсэн бичвэр бүхий цув өмссөн байв. Гэрэл зургууд нь цахим сүлжээнд тавигдсанаар Мелания маш олон хүний шүүмжлэлд өртжээ.

Төдөлгүй түүний хэвлэлийн төлөөлөгч 39 долларын үнэтэй Zara брэндийн цуванд нь ямар нэгэн далд утга агуулагдаагүй хэмээн мэдэгджээ. Хожим нь Дональд Трамп ч эхнэрээ өмөөрөхийг оролдов. "Энэ бичвэр бол худлаа мэдээлэл тараадаг хэвлэлүүдэд зориулагдсан үг. Хэвлэлүүд сүүлийн үед худлаа мэдээлэл ихээр цацах болсон. Үүнд л Мелания өөрийн хариуг өгсөн юм" хэмээсэн юм. 

Цахим сүлжээ хэрэглэгчид Мелания энэ цуваа өөр өдөр өмссөн бол дэмжих байсан гэдгээ онцолсон байна. Шуугиан дэгдсэн даруйд Мелания тэр цуваа тайлж орхиод өөр хүрэм өмссөн аж. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна