Наадмын өмнө шатахууны үнэ нэмэгдэнэ
2018 оны 6 сарын 23
Шулаач шулаач гэхэд дэндүү шулаач нийгэмд ард түмэн ядруухан зүдрүүхэн амьдарч байгаа нь үнэн билээ. Одоо наадмын өмнөхөн шатахууны үнийг дахин нэмэх шум дуулдаж эхэллээ.

Монголын шатахуун эрхлэгчдийн холбооноос шатахууны үнэ нэмэгдэх асуудал, мөн хуурамч шатахуунтай холбоотой асуудлаар холбогдох газруудад нь удаа дараа шаардлага хүргүүлсэн ч хүлээж авдаггүй хариу шаардлага өгөхгүй байна гэх мэт тайлбарыг хийсэн удаатай.

Өнгөрсөн долоо хоногт эднийхээс мэдээлэл хийнэ гэсэн ч тодорхой шалтгаангүйгээр хойшилсон. Яагаад гэдгийг мэдэхгүй юм. Тус холбооноос хуурамч шатахуун зарж борлуулдаг гэх олон ШТС-ийн нэрийг олон нийтэд зарлана гэсэн ч мөн таг болов.

 Харин одоо шатахууны үнэ дахиад нэмэгдвэл ард иргэд яах вэ. Засгийн газрын өмнө матрын нулимс унагаж байгаад үнээ нэмүүлж иргэдийг шулж байгаа бүх шатахууны компаниудын эрхийг цуцлаад өгөөч. Дахиад тендер зарлах хэрэгтэй.

Ард түмнээ боддог хайрладаг арай сэтгэлтэй хямд үнээр нийлүүлчих газар олдох байлгүй дээ. Даварсан энэ үйлдэлд нь даруулга хэрэгтэй байна. Төр төмөр нүүрээ харуулах хэрэгтэй шүү дээ.

ШТС-иуд хуурамч шатахуун худалдаадаг, А-80 шатахууныг АИ-92 гэж АИ-92 шатахууныг АИ-95 гэж борлуулж, Монголын ард түмнийг шулж байгаа шударга бус үйлдлийг таслан зогсоох ёстой. Засгийн газар, шалгах ёстой байгууллагууд нь ажлаа хийгээч ээ. Импортлогчидтой дайн зарламаар байна. Тэдний үг, үйлдлээр явсаар байтал ард түмэн ядарч туйлдаж байгаа нь үнэн шүү.
Эх сурвалж: Olloo.mn
Эх сурвалж www.wikimon.mn
О.Сайханцэцэг
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй