Морьд сүүлд харсан хүнийхээ нүүрний хувирлыг сайн санадаг
2018 оны 7 сарын 5

Морьд урьд нь харсан хүнийхээ дүр төрхийг санадаг бөгөөд сүүлд харахад тэр хүн эерэг, сөрөг сэтгэл хөдлөлийн алийг илэрхийлж байснаас нь шалтгаалж өөр өөр хариу үйлдэл үзүүлдэг гэнэ. Судлаачид эхлээд морьдод аз жаргалтай болон ууртай байгаа хоёр хүний зургийг үзүүлжээ. Хэдэн цагийн дараа зурган дээрх нэг модель өөрийн биеэр морины дэргэд ирэхдээ төв царай гаргасан гэнэ. Гэтэл морьд тэдний дүр төрхийг санаж байгааг судалгааны явцад тогтоосон байна. 

Морьд сөрөг бөгөөд сүрдүүлсэн байдлыг зүүн нүдээрээ, харин эерэг бөгөөд урамшуулсан дүр төрхийг баруун нүдээрээ харж байсан гэнэ. Тэд зурган дээр ууртай дүр төрх харуулсан моделийг бодитоор харахдаа ихэвчлэн зүүн нүдээрээ харж байсан төдийгүй туурайгаараа цавчилж, шал шиншлэх зэргээр тавгүйтэж байжээ. Харин инээмсэглэсэн зураг авахуулсан бүсгүйг бодитоор харахдаа ихэнхдээ баруун нүдээрээ ширтэж байсан аж. 

Хонь, загас зэрэг олон янзын амьтад хүний дүр төрхийг санах чадвартай байдаг аж. Хэрээ л гэхэд өөрсдөд нь муу зүйл хийсэн хүмүүсийг олон жилийн турш марталгүй “өс санадаг” бөгөөд бусдадаа ч тэдний аюул заналхийллийг анхааруулдаг гэнэ шүү.  

Судлаачдын ажигласнаар морьд хүмүүсийн нүүрэн дээр илэрч буй сэтгэл хөдлөлүүдэд илүү анхаарал хандуулж байсан гэнэ. “Энэ бол амьтдаас ажиглагдаж байгаагүй зүйл” хэмээн тэд ярив. “Эзэдтэй морьд илүү их сэтгэл хөдлөл илэрхийлж байсан нь тэд хүний нүүр болон сэтгэл хөдлөлд ихээр анхаарал хандуулдаг гэсэн үг юм. Хүмүүстэй байнга хамт байдаг морьд хүний нүүрний хувирал ямар утга илэрхийлж буйг ойлгодог болох боломжтой” хэмээн Атланта дахь Эмори их сургуулийн эрдэмтэн Франс де Ваал ярьжээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй