Хүүхнүүд нөхрөө гомдоохгүйн тулд цалингаа дарж хэлдэг
2018 оны 7 сарын 19
Судлаачид эхнэр нь нөхрөөсөө өндөр цалин авдаг тохиолдолд аль аль орлогынхоо хэмжээг худлаа хэлдэг болохыг тогтоожээ. Census Bureau байгууллагын судлаачид гэр бүл болсон хосуудын дунд судалгаа явуулахад нөхрөөсөө өндөр орлоготой хүүхнүүд цалингийнхаа хэмжээг дарж, харин бага орлоготой нөхрүүд нь цалингаа нэмж буюу эхнэрээсээ өндөр орлоготой мэт худлаа хэлж байсан гэнэ. 

Судалгаанд хамрагдсан гэр бүлүүдийн орлогын талаарх мэдээллийг ажил олгогчдоос нь цуглуулсан Census Bureau-гийн ажилтнууд эхнэр, нөхрүүдээс тус тусад нь гэр бүлийн орлогынх нь талаар мэдээлэл авсан аж. Харин энэ үеэр өндөр цалинтай эхнэрүүд өөрсдийнхөө орлогыг багасгаж байсан бөгөөд хачирхалтай нь нөхрүүд нь ч мөн адил эхнэрийнхээ цалинг бодит хэмжээнээс бууруулж хэлж байсан гэнэ шүү. 

Нөхрүүд өөрсдийнхөө цалинг дунджаар 2,9 хувиар нэмэгдүүлж, эхнэрүүд цалингаа 1,5 хувиар бууруулж хэлж байжээ. Судлаачдын таамаглаж буйгаар энэ үзэгдэл нь гэр бүлийн тэнцвэртэй харилцааг хадгалж үлдэх зорилготой гэнэ. Гэр бүл дэх нөхрийнхөө үнэ цэнийг бууруулахгүйн тулд эхнэрүүд өөрсдийнхөө цалинг дарж хэлдэг байна. Харин нөхрүүдийн хувьд мэдээж өөрийгөө дутуу үнэлэхгүйн тулд цалингаа нэмж ярьдаг гэнэ.  

"Эрчүүд тун амархаг өөрийгөө үнэлэх үнэлэмжээ алддаг тул эмэгтэйчүүд амьдралд нь эр хүн орж ирсэн цагаас эхлэн гэр бүлийнхээ амар тайван байдлыг хадгалж үлдэхийн тулд өөрийгөө дарж байдаг. Гэтэл хамгийн чухал нь бүсгүйчүүд нэг алхам урагшилж, өөрсдийгөө нэгдүгээрт тавьж байх хэрэгтэй. Тэд эрүүл, гоолиг бас ухаан саруул байж чадвал үр хүүхэд болон гэр бүлдээ анхаарал халамж тавьж чадна. Тиймээс эмэгтэй хүн бүр юу чаддагаа, хэдэн төгрөг олдогоо, хэн бэ гэдгээ бусдаас нууж, өөрийгөө дардаг байх шаардлагагүй юм" хэмээн судалгааг явуулсан эрдэмтэд ярьжээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна