Талийгаач охины гэр бүлд иргэд 30 сая төгрөг хандивлажээ
2018 оны 8 сарын 9
Одоогоос жилийн өмнө Баянзүрх дүүргийн нутаг дэвсгэрт байрлах “Очир” төвийн зочид буудалд 13-хан настай охин харамсалтайгаар амиа алдсан хэрэг гарсан. Энэхүү хэргийг үйлдсэн хоёр залууд холбогдох хэрэг өнөөдрийг хүртэл шийдэгдээгүй байгаа юм.

Б.Ундрах хэмээх бүсгүй сар гаруйн хугацаанд талийгаач охины гэр бүлд амьдрах итгэл өгөх зорилгоор “Итгэлцлийн сүлжээ” сайн үйлсийн аян санаачлан эхлүүлсэн бол хуульч Р.Булгамаа өмгөөллийн туслалцаа үзүүлж байгаа аж.

Өчигдөр хуульч Р.Булгамаа, Б.Ундрах нар аяны хүрээнд цугласан 30 сая төгрөгийг талийгаач охины ар гэрийнхэнд гардуулан өгчээ. Энэхүү аянд хөдөө орон нутаг болон гадаадад ажиллаж амьдарч байгаа монголчууд ч нэгдсэн байна.

Хуульч Р.Булгамаа “Фэйсбүүк найзуудын хүрээнд зохион байгуулсан "Итгэлцлийн сүлжээ" аян маань амжилттай өндөрлөлөө. Сэтгэлийн хандив өргөсөн Нүүр номын найзуудад дахин талархсанаа илэрхийлье.

Энэхүү сайн үйлсийн аяныг санаачилсан Б.Ундрахдаа халуун баяр хүргэж, аз жаргал эрүүл энхийг хүсэн ерөөе. Бидэнд шантрах үе зөндөө тулгарч байсан ч олон хүний сэтгэл, дэмжлэгээр жигүүрлэн ард нь гарлаа. Олны хүч оломгүй далай.

Үр хүүхдээ алдахын зовлон амсан шаналж яваа энэ айлд итгэлийн гэрэл асаалаа. Амьддаа бие биенээ хайрлая, алаг үрсээ хамгаалъя. Хүүхэд бүр эрүүл, аюулгүй орчинд өсөж торних эрхтэй. Энэхүү цугласан мөнгөөр нь энэ айлын хашаанд 7/8 хэмжээтэй байшин барьж өгөхөөр барилгын компанитай гэрээ хийсэн байгаа” гэжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна